Klassik Bach, dee rockt

De Pascal Schumacher kennt een éischter aus der Jazz-Musek. Viru kuerzem huet de Vibraphonist awer um Klassikprojet "ÜberBach" matgeschafft. Ee Projet, iwwer de Johann-Sebastian Bach, "mat Plazen, wou et einfach rockt." Ee Gespréich.

mr / Charlotte Wirth

Pascal Schumacher Uberbach
Pascal Schumacher

"ÜberBach" heescht d'CD, deen de Vibraphonist Pascal Schumacher zesumme mam Komponist Arash Safaian, mam Pianist Sebastian Knauer a mam Züricher Kammerorchester realiséiert huet. Derbäi huet den Arash Safaian Kompositioune vum Johann-Sebastian Bach verschafft a moderniséiert.

Den Arash Safaian hätt sech mat dësem Projet wäit aus der Fënster geluecht, erzielt den Pascal Schumacher. "ÜberBach" géif de klassesche Bach an een anert Format setzen an de Kompositiounen eng rockeg Touche ginn. Dat hätt an den "hardcore zäitgenëssesche Musekskreesser" net jidderengem gefall.

D'Kiischt um Kuch

Als Basis hätt de Komponist méi oder manner bekannte Melodië vum Johann-Sebastian Bach benotzt, si anescht arrangéiert an nei, eegestänneg Stécker gemaach. "Wann een einfach eralauschtert a sech net extrem domat beschäftegt, mengt een do leeft iergend ee Bach." Dat wier awer net de Fall, betount de Pascal Schumacher. D'Stécker géifen duerch de Vibraphon an den Héichten, an ee Synthesizer an den Déiften ënnermoolt ginn

D'Haaptgesiicht vum Projet wier de Pianist, de Sebastian Knauer, erzielt de Pascal Schumacher. "De Vibraphon ass dat klengt Extra, dat bei der Hallschent vun de Stécker derbäi ass", esou de Vibraphonist. Fir de Komponist Arash Safaian, wier de Vibraphon de "Kronleuchter vum Piano." Well e méi héich Frequenzen a sengem Klangbild hätt, wier de Vibraphon wéi eng Extensioun vum Piano. "Wéi d'Kiischt um Kuch", ënnersträicht de Pascal Schumacher.

Klassesch Musek an der Kris

Duerch dëst Arrangement, géifen et Plaze ginn, "wou et einfach rockt", seet de Vibraphonist. Dat wier eng Touche, déi der klassescher Musek gutt géif doen, mengt den Pascal Schumacher. D'Charts ginn him Recht: Zënter der Release ass "ÜberBach" an den däitschen Charts. Déi klassesch Musek bräicht Konzepter, wéi dëst: Si wier an enger Kris a misst sech erneieren. "Et kann een net mat der 999. Versioun vun engem Meeschterwierk en neie Public begeeschteren", betount de Vibraphonist.

De Pascal Schumacher huet dann och weider Projeten an der Pipeline: Esou krut hien zum Beispill vum Orchestre de Chambre du Luxembourg eng Commande fir ee Geieconcerto.

An der Mediathéik:

Klassik aktuell / /
Lauschteren

Méi zum Thema

Maurice Clement
Musikalesch Visittëkaart

Den "Organiste titulaire" vun der Philharmonie lauschtert traditionell Musek aus aner Kulturen, Klassik mee virun allem Jazz sinn déi Museksgattungen, déi de Maurice Clement begeeschteren.

Jean Muller
Musikalesch Visittekaart

Als unerkannten internationale Kënschtler ass de Pianist Jean Muller bestëmmt ee vun deene beschte Museksambassadeuren zu Lëtzebuerg. Säi Museksgoût hält awer net bei der Klassik op.

Net verpassen

Programm

Dossieren

  • Alles iwwer de Podcast Schlechte Schüler

    An eisem Dossier fannt dir sämtlech Episode vun eisem Podcast Schlechte Schüler, Interviewe mat Schoulexperten an déi komplett Transkripter vun den eenzelnen Episoden.

  • Chamberwalen 2023

    Den 8. Oktober gëtt zu Lëtzebuerg en neit Parlament gewielt. Kann d'Dräierkoalitioun vun der DP, LSAP an déi gréng weider d'Regierung stellen, oder gëtt et ee Regierungswiessel?

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen