SAMPLE VUN DER WOCH Arthur Verocai - Na Boca do Sol

Dat do kennen ech dach, oder? Wien huet déi Melodie geklaut, wien huet dee Rhythmus nogespillt? De Bobby Bieles ass Sample-Detektiv an erzielt d'Geschichte vu Lidder, deenen hir Bestanddeeler ëmmer nees an neier Form re-inkarnéiert goufen.

Bobby Bieles / tt

verocai.jpg

Den Arthur Verocai ass 1945 zu Rio de Janeiro gebuer. Hien ass e brasilianesche Jazz Komponist, Sänger a Produzent. Säin éischten Album koum 1972 eraus.

Wärend dem Ophuele vun dësem Album huet hien anscheinend massiv vill amerikanesche Funk a Rock gelauschtert, wéi zum Beispill Frank Zappa oder David Axelrod. Dat Ganzt mëscht hie mat senge brasilianeschen Aflëss, an erauskoum dat heiten: eng verdreemten a feierlech Klangkreatioun. Leider hat den Album bei senger Sortie guer kee Succès a war a Brasilien en nationale Flopp.

En huet 30 Joer laang an der Poubelle verbruecht. De Verocai seet vu sengem Album, e wier säi "sleeping giant" gewiescht. Den Verocai huet sech souguer professionell missten an d'Pub rekonvertéieren. Dat heescht, hien huet e gudden Deel vu sengem Liewen domadder verbruecht, Jingele fir Reklammen ze schreiwen.

Bis zum Joer 2000, wéi verschidde Beatmaker den Album zu neiem Liewen erwächt hunn. Madlib, MF Doom, Little Brother oder nach vill anerer hunn Deeler vu sengem Album gesampelt. Den Album huet doduerch direkt u Wäert gewonnen an d'original Pressung gouf bis zu 2.000 € op Internet verkaf!

En éischt Beispill vun der Utilisatioun vum Sample ass vum MF Doom, oder besser gesot vum Metal Fingers. Säi Lidd heescht "Orris Root Powder" war ze fannen op der Kompilatioun "Special Herbs Volume 9". Den MF Doom huet anscheinend d'Plack zesumme mam Madlib wärend enger Vakanz a Brasilie fonnt. Engem Interview mam Verocai bei der Redbull Music Academy no huet den Doom de Sample awer illegal benotzt a krut liicht Problemer dowéinst.

De Ludacris huet och e Lidd domadder gemaach, an zwar "Do The Right Thing feat. Common & Spike Lee".

Dat war ze fannen um Soundtrack vum Spike Lee sengem Film. D'Produktioun ass vum mageschen 9th Wonder. Hie mëscht den Tempo hei just e bësse méi séier. De Verocai gëtt am selwechte Redbull Interview zou, souguer richteg Fan vun dësem Lidd gewiescht ze sinn.

Dem DJ Spinna seng Grupp Polyrhythm Addicts huet de Sample och benotzt, an zwar um Lidd "Zonin' Out". Dat war ze fannen um Album "Break Glass" vun 2007. D'Rapperin heescht Apani B Fly MC an dem DJ Spinna seng downtempo House Aflëss sinn hei däitlech um Beat ze erkennen.

E méi zäitgenësseschen Track bidden d'Grupp Keys N Krates.

Dat sinn dräi Beatmaker aus der Stad Toronto a Kanada. Si produzéieren eng modern Festival Hymn mat hirem Lidd "Inicio". Dat war ze fannen um Album "Cura" vun 2018.

An der Mediathéik:

De Sample vun der Woch / / Bobby Bieles
Lauschteren

Méi zum Thema

e22.jpg
Sample vun der Woch

D'Lidd E.V.A. gouf vum Jean-Jacques Perrey komponéiert. Am Laf vun der Zäit gouf d'Lidd dacks gesampelt, ënner anerem vu Gang Starr, House of Pain, Pusha T, a war och um Soundtrack zu Ocean's 8 ze héieren.

Eddie Kendricks - My People... Hold On
Sample vun der Woch

1972 huet Eddie Kendricks dat heiten Lidd erausbruecht: "My People... Hold On". Als Sample-Detektiv erzielt de Bobby Bieles d'Geschicht vum Lidd a wou een d'Bestanddeeler erëmfanne kann.

e19.jpg
Sample vun der Woch

De Foster Sylvers war just eelef Joer al, wéi hien "Misdemeanor" gesongen huet - säi gréissten Hit. D'Lidd gouf dacks gesampelt, ënner anerem vun D.O.C., Shyne oder rezent vu Run The Jewels.

e18.jpg
Sample vun der Woch

D'Leitmotiv vum Horrorfilm koum 1980 eraus. Den Ortolani ass een italieeneschen Komponist, dee vun 1926 bis 2014 gelieft huet an en etlech Soundtracke produzéiert huet. D'Geschicht vum Lidd.

Programm

Net verpassen

  • 17.4. Riicht eraus: Claude Mangen

    Claude Mangen

    E Bléck an d'Vergaangenheet, an d'Aktualitéit an op d'Zukunft vum Kultursecteur zu Lëtzebuerg mam Direkter vum Mierscher Kulturhaus a President vun der Theaterfederatioun.

Dossieren

  • Kulturjoer Esch2022

    Esch, zesumme mat anere ProSud-Gemengen a franséische Grenzgemengen, ass 2022 europäesch Kulturhaaptstad. An eisem Dossier fannt Dir alles iwwer d'Hannergrënn an d'Projeten, déi fir d'Kulturjoer entstoe wäerten.

  • Déi eeleft Editioun vum LuxFilmFest

    Trotz Pandemie gëtt de Luxembourg City Filmfestival organiséiert. Déi 11. Editioun (4.-14. Mäerz) kritt dëst Joer awer eng liicht aner Nues: Filmer ginn deels am Kino deels online gewisen.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen