LiteraTour 2016 Schreiwen, lauschteren, diskutéieren

Tëscht dem 9. a 24. Abrëll steet Beetebuerg ganz am Zeeche vun de Biicher. Bei der véierter Editioun vum LiteraTour kommen och aner Konschtgenren zum Zoch: Theater, Film a Musek.

Jean-Claude Majerus / po

zeimet hoerold.JPG
De Responsabel fir de "Prix Laurence" Pit Hoerold (riets) an de Beetebuerger Député-Maire Laurent Zeimet (CSV).

De LiteraTour zu Beetebuerg ass gewuess, am Fong wéi e puer an deem am Laf vun de Joeren ëmmer méi nei Kapitelen dobäi koumen, an och méi Leit hir Iddie mat afléisse wollten a konnten. 2016 hunn se e Programm op d’Bee bruecht  deen sech iwwert zwou Wochen zitt, a wou d’Jugendhaus a vill Beetebuerger Veräiner mat zéien.

De Festival schléit Brécken zu anere Konschtgenren, dorënner Theater, Musek a Film: ​Am Ciné Le Paris gëtt zum Beispill dem Pol Cruchten säi Film "La supplication" gewisen. De Film baséiert op engem Buch vun der wäissrussescher a Literaturnobelpräislaureatin Svetlana Alexiewitsch. Nom Film diskutéieren de Realisateur Pol Cruchten an de Filmhistoriker an neie CNA-Direkter Paul Lesch mateneen a mam Publikum.

D'Beetebuerger an d'Boot huelen

D’Beetebuerger, och d’Veräiner waren ugangs e bësse skeptesch géigeniwwer dem Festival. Mee wat méi Leit mat d'Boot geholl goufen, hätten der vill Loscht kritt mat kreativ ze ginn, seet de Buergermeeschter Laurent Zeimet. "Et ass nach net jiddereen iwwerzeegt, mee et ass eppes wat sech soll iwwer d'Joren entwéckelen."

De Programm vum LiteraTour 2016 bitt fir jiddereen eppes, vum Tom Hillenbrand, bis zu Diskussiounsronnen mat Lëtzebuerger Auteuren an engem Programm fir Kanner a Jugendlecher.

Prix Laurence: Witzeg a politesch

Grad wéi zejoert gëtt mam Prix Laurence ee Schreifconcours fir Jonker organiséiert. 40 Jonker hunn Texter agereecht. Weiblech Auteurinnen sinn dëst Joer kloer an der Majoritéit. Déi meescht Texter sinn op Däitsch an Englesch, aacht sinn op Lëtzebuergesch a fënnef op Franséisch. Bei den engleschen Texter fënnt een och Rap erëm. Et dierf een also gespaant sinn, wann déi Jonk hir Texter de 16. an 17. Abrëll op der Bühn am Café Littéraire vum Jugendhaus zu Beetebuerg virdroen. Déi staark Präsenz vum Engleschen erkläert de Pit Hoerold, Responsabele vum Prix Laurence, sech esou, dass déi Jonk wéinst dem Internet haut méi mat där Sprooch a Kontakt kommen.

D'Halschent si Prosatexter, déi aner Halschent si Gedichter. ​Et géif ee gesinn, dass déi Jonk tëscht 12 an 17 Joer een immense Spaass hunn, sech an där Form auszedrécken, sou de Pit Hoerold. Mee et sinn och vill eescht Texter dobäi, an deenen d'Problemer vun haut thematiséiert ginn. "Déi Jonk liewen net just an hirer klenger Welt, mee si gesinn, wat ronderëm se geschitt".​

D'Texter vum Prix Laurence kann een Online liesen, um Site vum LiteraTour.

 

An der Mediathéik:

Kultur / / Jean Claude Majerus
Lauschteren

Méi zum Thema

Gast Groeber.jpg
Europäesche Literaturpräis

De Lëtzebuerger Schrëftsteller Gast Groeber ass mam Literaturpräis vun der Europäescher Unioun ausgezeechent ginn, dat fir säi Buch “All Dag verstoppt en aneren”.

labo.jpg
Lëtzebuerger Literatur

Véier rezent Wierker vu Lëtzebuerger Auteure sinn den Ophänkert fir en Echange iwwert d'Literatur vun an zu Lëtzebuerg. Wat zeechent déi aus? Wéi schlecht ass se wierklech?

 

Net verpassen

Programm

  • Iwwer Mëtteg vun 11 bis 2

  • On air

    Noriichten

  • Resonanzen

  • Am Nomëtteg vun 3 bis 6

  • Panorama

Dossieren

  • Dossier: Relatiounen tëscht Portugal a Lëtzebuerg

    Haut ass et den zweeten a leschten Dag vun der Staatsvisitt a Portugal. Eng grouss Lëtzebuerger Delegatioun ass den Ament zu Lissabon. An eisem Dossier fannt dir all eis Bäiträg an Artikelen iwwer d'Theema.

  • De Krich an der Ukrain

    De 24. Februar 2022 huet Russland d'Ukrain militäresch iwwerfall. Déi westlech Länner hu mat Sanktioune reagéiert, Millioune vu Leit sinn aus der Ukrain geflücht.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen