Ulrike Bail - wie viele faden tief Komplex Gedichter, déi vill erzielen

"Teile von Textilien, Leder o. Ä. mit Nadel und Faden, mit der Nähmaschine zusammenfügen" schreift den Duden als Definitioun vun "nähen". Bei der Ulkrike Bail kritt Bitzen eng ganz nei Bedeitung. "wie viele faden tief" (Conte Verlag) heescht dat rezent Gedichtband vun der dësjäreger Gewënnerin vum Nationale Literaturconcours.

Valerija Berdi / cbi

Ulrike Bail - wie viele faden tief

Den Interview mat der Ulrike Bail lauschteren


Et ass ee scho beim Staunen, wann een d'Sujete gewuer gëtt, déi de roude Fuedem bei der Ulrike Bail hire Gedichts-Recueilen ausmaachen. Elo ass effektiv de Fuedem de roude Fuedem am Band wie "viele faden tief". Wann een awer mengt, et géif hei der Konscht vum Bitzen en Hommage gesat ginn, deen iert, awer net ganz.

Begrëffer, déi ee muss nosichen

Et sinn d'Begrëffer wéi Heftstich, Wabenstich, Fadenspiele, Textil, déi de Gedichter den Numm ginn, Wierder, déi ee kennt, mee dann awer och Kopfzackennaht, Nahtschatten, Malimo. Ech hunn do d'Bedeitung missen nosichen.

D'Ulrike Bail gëtt all dësen Termen aus der Welt vum Bitzen eng ganz nei Notioun.

"FILAMENT

wie viele faden tief

ist dein schlaf gebunden

gezwirnt gewirkt fährst du

übern see übern see

in der hölzernen wurzel

nistet ein sperling

das filament der knoten blüht"

Ee Konschtwierk fir sech

Et si komplex Gedichter, bei deenen ee méi laang muss stoe bleiwen, well se, egal wéi kuerz se sinn, enorm vill ze erzielen hunn an dat op ville Schichten. Inhaltlech a stilistesch. Kee Wuert ze vill, keen ze wéineg, an all eenzelt schéngt esou akribesch ausgewielt ze sinn, datt d'Sproochekleed einfach perfekt setzt.

All Gedicht, e klengt Konschtwierk fir sech. D'Zesummespill u Wuert, Form an Inhalt sinn absolut stëmmeg an ënner dëser Prämiss huet ee Freed um Liesen.

"SAUM

auf schmugglerpfaden hoch im gebirge

säumt mein schneckentier den pass

heimatländer zu beiden seiten

ein wegsames maβ

osziliert zwischen den sprachen"

Et si kloer a gläichzäiteg flou Aussoen, déi een am Grapp hält, déi dann direkt aus der Hand fléissen, e graziilt Konstrukt an enger duusser a sënnlecher Atmosphär agepaakt. Dozou bäi dréit och d'Vermësche vu bildungssproochlechen, almoudeschen, einfachen a moderne Wierder.

Ënner all Gedicht sti Stéchwierder, beim grad gehéierte Gedicht steet "saum säumen pass" eben Stich-worte, fir déi d'Ulrike Bail och eng originell Erklärung huet.

Beim Schaffen un de Gedichter sinn dann och Collagen entstanen, déi een am leschten Deel um Buch entdecke kann. An zum Schluss, nach e Gedicht, well am Fong geholl, soll een iwwer Gedichter net schwätzen, mee se liesen, lauschteren a genéissen a bei der Ulrike Bail kritt een es ni genuch.

"NADEL

in der ohrwurzel der propheten wachsen

fingerspitzen wie leuchttürme wo nichts

über den wassern mehr schwebt zittern

die nadeln der messgeräte ins uferlose

hangeln die augeworfenen wortschnüre

sich von und zu und zum nächsten satz"

Méi zum Thema

Georges Hausemer - Behescht
Georges Hausemer - Behescht

De Georges Hausemer huet e Band mat 97 kompriméierten Ënnerhalungsromaner, begleet vun Zeechnungen a Biller erausginn. D'Valerija Berdi huet sech beim Liese méi wéi just ënnerhale gefillt.

Das Ende vom Lied
Jean Krier - Das Ende vom Lied

De Jean Krier war ee vun de preeminente Géigewaartsauteuren an huet e Wierk hannerléisst, dat iwwer d'Grenzen eraus vill beuecht gouf. Editions Phi huet seng markantst Gedichter zesummegedroen.

Programm

Net verpassen

  • Am Gespréich: Marc Angel a Samuel Hamen

    Marc Angel, Samuel Hamen

    Zwou Generatioune vu Kënschtler hu sech zesummegedoen, fir eng originell hybrid Form ze schafen.

    Mir ënnerhalen eis mam Zeechner a Schrëftsteller an der Woch vum 23.11. méindes bis freides um 12:40 a sonndes um 10:10

Dossieren

  • CinEast-Festival 2020

    De CinEast-Festival weist eng Selektioun vu mëttel- an osteuropäesche Filmer. Déi 13. Editioun ass wéinst der Covid-Pandemie eng hybrid: d'Filmer gi souwuel um groussen Ecran wéi och online gewisen.

  • AutorInne-Lies

    D'Publikatioun PM 19 10 huet d'Valerija Berdi inspiréiert fir déi akustesch Athmospär fir d'Buch ze liwweren. Hatt huet sech dofir op de Wee gemaacht an eng ganz Rei Andréck bei Autorinnen an Auteuren doheem akustesch agefaangen.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen