Literatur "Heiansdo sinn et d'Affer, déi musse verzeien"
Um Ohrid-Séi a Mazedonien huet déi bulgaresch Schrëftstellerin Kapka Kassabova hir eege Familljegeschicht an allgemeng d'Quelle vum mënschleche Leed am Balkan exploréiert. D'Resultat ass e faszinant Buch: "To the lake. A Balkan journey of war and peace".
De ganzen Interview lauschteren
Als Jugendlech ass déi 1973 zu Sofia gebuere Kapka Kassabova mat den Elteren an Neiséiland ausgewandert. Spéiderhin huet si de Wee zréck an Europa fonnt fir sech a Schottland nidderzeloossen, wou si zanterdeem lieft.
Zënter dem Enn vun den 90er Jore publizéiert si Gedichter, Romaner an Essaien, ëmmer op Englesch. An hirem leschte Buch "To the lake. A Balkan journey of war and peace" beschreift si hir Rees a Mazedonien, tëschent den Zwillingsséien Ohrid a Prespa.
Am Gespréich mam Michel Delage erkläert d'Kapka Kassabova, firwat si sech op d'Spuere vun hirer Famill gemaach huet. Si schwätzt iwwer d'Ursaache vun der Tyrannei am Balkan, iwwer déi patriarchalesch Gesellschaften, iwwer den ethnesche Mix, iwwer Krich mee och iwwer Schéinheet, Léift an Hoffnung.
"To the lake" gëtt et och op franséisch: "L'Echo du lac. Guerre et paix à travers les Balkans" (Editions Marchialy) an och an enger däitscher Iwwersetzung: "Am See. Reise zu meinen Vorfahren in Krieg und Frieden" (Hanser Verlag).
Méi zum Thema
Saint-Malo 2022
"D'Sowjetunioun lieft an eis weider"
Fir hiren historesche Roman "Les Enfants de la Volga" knäppt déi russesch Schrëftstellerin Gousel Iakhina un d'Traditioun vun den däitsche Märercher un. De Michel Delage huet si zu Saint-Malo begéint.
Saint-Malo 2022
"Le monde, prison où il faut toujours trouver une autre cellule"
Fir säi lescht Buch "Fenua" (Seuil) huet de franséische Schrëftsteller Patrick Deville franséisch Polynesien, dorënner Tahiti, exploréiert. Virun allem och duerch de Brëll vu berüümte Virgänger.
