D'Angscht vum Auteur virum wäisse Blat ass wuel esou al, wéi d'Literatur selwer an ass ëmmer erëm e Sujet, esou och beim jonken Auteur Tom Weber.
Hie mécht sech Gedanken iwwer d'Schreiwen, iwwer de Sënn vum Schreiwen, iwwer Talent an de Besoin sech der Welt matzedeelen:
geburt des saboteurs
da ist sand im getriebe
längst schon schéint es mir klar
es knackst und knistert
in der groβen maschine
da ist sand im getriebe
ich fühle es in mir
es rattert und reibt
in meinen gelenken
da ist sand im getriebe
und nicht nur ein wenig
in meinen gedanken
ein zischen
ein zeichen
und dann
das weiβe blatt papier
Datt et dierf, awer net ëmmer muss déifgrënneg sinn, dat weess den Auteur och selwer, trotzdeem ass déi Sich no wuel beduechte Wierder, nom Sënn vun der Welt an hire méi oder manner schéine Formen dach en Uleies oder just e Versuch, deen net gelénge kann?
"dieses gedicht ist ein platzhalter
ja, im ernst
hier sollte eigentlich was
tiefgründiges hin"
"in die kurve des nachthimmels hinein
flüstere ich einen wunsch
einen wunsch dass im morgentau
sich
mirdie welt erkläre"
Humor am Inhalt an an der Form
Den Tom Weber ass en Dichter dee seriö schreift, sech selwer awer net ze seriö hëlt a seng an der Welt hier Onzougänglechkeeten op d'Schëpp hëlt.
Dat Humorvollt ass dann och oft typographesch ënnermoolt, wann d'Buschtawen ufänken aus der Rei ze danzen.
"Aus den augen rinnt" ... do geet d'Wuert rinnt dann och bierg of - "eine Seele zersprengt" - do entsteet natierlech eng Explosioun vu Buschtawen.
Niewent dem Gespills mat de visuelle Formen, ass et och e Gespills mat Gedanken a Wierder:
"meine brille lege ich ab
in meinen träumen sehe ich immer gut"
Fazit
"Fluides Herz" ass eng Sammlung vu ganz ënnerschiddleche Gedichter a Gedichtformen, mol witzeg, mol eescht, ëmmer éierlech a ganz heiansdo schruppt den Tom Weber grad laanscht de Kitsch, zum Beispill wann hie vum "Ozean der Ignoranz" schwätzt.
Dat lescht Kapitel mam Titel" leerheit" besteet aus Fënnefzeiler oder enger Zort Aphorismen, déi net ëmmer besonnesch originell, dofir awer sympathesch sinn.
Ob alle Fall ganz erfrëschend, een nach jonken Auteur, op deem seng literaresch Zukunft een dierft gespaant sinn.