Kannerkëscht E Liesconcours, e Chrëschtlidd, d'Natur an de Leidenfrost-Effekt
D'Liesen ass en Zäitverdreif wéi et der vill ginn. Mee et kënnt awer net nëmmen drop u wat ee liest, mee och wéi een et liest. An dofir presentéiert d'Nathalie vum Script iech e Liesconcours, wou den Theema "Gléck" ass.
Och wann et sech komplizéiert unhéiert, ass et dat awer net. De Joseph erkläert iech déi Kéier mat sengem Experiment, wat de sougenannte "Leidenfrost-Effelt" ass. A gleeft roueg, dir hutt deen Effekt bestëmmt scho gesinn, mee de Joseph erkläert iech dat alles.
Dir kennt jo och bestëmmt dat Chrëschtlidd Nacht, Heilige Nacht", eent vun de bekanntste Chrëschtlidder op der ganzer Welt. An dëser Kannerkëscht erziele mir iech, wou dat Lidd iwwerhaapt hir kënnt, an datt et um Ufank och éischter en Friddenslidd war.
Aus dem Naturmusée hunn mer dann d'Joy Mentgen op Besuch, a mam Joy beschäftege mir eis mat der Fro firwat mir iwwerhaapt d'Natur brauchen.
Méi zum Thema
Wantergeschicht: Den éischte Schnéi
Vill Leit wënsche sech wäiss Chrëschtdeeg: Schnéi ass ëmmer eng Freed, awer net fir jiddwereen. De Fuuss brauch fir d'éischt en Haus, fir doraus eng Paschtéit ze maachen.
Wantergeschicht: Kaweechelchen a Kéisécker bereede sech op de Wanter vir
An der Wantergeschicht vun haut geet vun zwee Déiere rieds, déi de Wanter hei an eisen Géigende verbréngen: d'Kaweechelchen an de Kéisécker. Wat geschitt, wann déi zwee sech onverhofft begéinen?
De Chrëschtbeemchen, Spaghettien, d'Baguette an de Piwitsch
Niklosdag ass eriwwer a méi ginn lues awer sécher op Chrëschtdag duer, a wat gehéiert zu Chrëschtdag natierlech de Chrëschtbeemchen, a genee ëm dee geet et an der 100,7-Kannerkëscht.
Wantergeschicht: De Roude Kueder
An der Kannerkëscht proposéiere mir iech besonnesch elo an der kaler a groer Joreszäit Wantergeschichten, fir gemittlech nieft der Schminni ze lauschteren. An dëser Geschicht geet et ëm de Roude Kueder.
