Kannerkëscht De Loschi, Australien an eng Lavaluucht

De Loschbuermann war laang deen eelsten Lëtzebuerger. Mee wien ass dee Loschbuermann dann iwwerhaapt? An der Kannerkëscht gitt dir et gewuer.
Mir huelen iech mat an Australien op déi aner Säit vun der Welt, a mir baue mam Mister Science eng Lavaluucht.

Kannerkëscht 7-9 Joer

Lauschteren


Salut Kanner! Wann dir an de Naturmusée era gitt, da gesitt dir an der Entrée d'Figur vun engem Mann op engem roude Kannapee sëtzen. Et géif ee bal unhuelen, dee séiz do fir Salut ze soen.

Abee, dat ass de Loschi! An de Loschi ass d'Reproduktioune vun engem Skelett, dat een am Naturmusée ka gesinn: vum Loschbuermann. Vun deem gouf gesot, e wier den eelste Lëtzebuerger.

Mee stëmmt dat? Dat gitt dir an der Kannerkëscht gewuer an och wien de Loschi elo war.

De Jean Claude Majerus erzielt iech nach esou munches iwwer Australien, ee Kontinent an e Land, dat vun eis aus gekuckt op der anerer Säit vun der Welt läit.

Am Experiment an der Kannerkëscht mat Science.lu erkläert de Mister Science, wéi een eng Lavaluucht baut, dat gëtt ganz spannend.

Méi zum Thema

Net verpassen

Dossieren

  • Hëtzt & Dréchent

    2022 ass bis elo vun héijen Temperaturen an extreemer Dréchent markéiert. Wéi eng Impakter huet dat op Mënsch an Ëmwelt?

  • Saint-Malo: "Étonnnants Voyageurs"

    Saint-Malo ass déi Plaz, wou déi sougenannt ''littérature-monde'' gefeiert gëtt. Den 100,7 war bei der leschter Editioun vum Festival Étonnants Voyageurs am Juni dobäi.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen