Kannerkëscht D'Faaschtenzäit, de Weltdag vum Héieren, an d'Mary a seng Monsteren
Fir unzefänken huet d'Michèle vum FNR, dem Fond National de Recherche, iech een Experiment matbruecht bei deem et dorëms geet, wat een am Däischtere gesäit, oder besser, firwat een net am Däischtere gesäit.
Mat Buergsonndeg ass jo an eise Géigenden d'Faaschtenzäit ugaangen, déi bis Ouschteren dauert. Dofir gi mir der Fro no: Wou kënnt déi Faaschtenzäit iwwerhaapt hier? Mam Nathalie vum SCRIPT schwätze mir iwwer de Weltdag vum Héieren, an dat ass sécher net vu Muttwëll, well mir allgemeng jo zum Beispill méi dacks bei den Zänndokter ginn, wéi bei den Ouerendokter. An awer ass et wichteg och d'Oueren an d'Gehéier reegelméisseg kontrolléieren ze loossen.
An d'Monique aus dem natur musée erzielt eis d'Geschicht vum Mary, dat geduecht huet, et hätt Monstere gesinn, mee u sech war et eng wëssenschaftlech Decouverte, eng ganz spannend Geschicht.
An domat vill Freed mat der 100,7-Kannerkëscht
Méi zum Thema
D'Buergbrennen, d'Augsburger Puppenkiste an een Déier am Buedem
De Sonndeg no der Fuesent ass Buergsonndeg. Do ass et Traditioun, datt a villen Dierfer uechtert d'Land ee Buergbrennen ass.
D'Fuesent, d'Wunnengsnout am Bësch a Käerzen um Kuch
Et ass Fuesent hei bei eis, mee och an den Nopeschlänner wéi zum Beispill an Däitschland gëtt dat gefeiert. An den Donneschdeg virun der Fuesent gëtt bei eis "fetten Donneschdeg" genannt.
