Dossier Gemengewalen 2023

D'ADR wéilt déi véier Sëtz, déi se am Moment um kommunalen Niveau huet, op d'mannst behalen. Dat seet d'Vize-Presidentin vun der Partei Pierrette Koehler am 100,7-Interview.

D'Gemenge kënnen hiren Agents municipaux zënter Ufank vun dësem Joer nei Kompetenze ginn. Wat bedeit dat konkret um Terrain? Mir hunn een Agent wärend e puer Stonne begleet.

Zu Iechternach gëtt virun de Gemengewale weider driwwer diskutéiert, wéi ee mat den archeologesche Fondstécker soll ëmgoen, déi am Stadzentrum um Site vum fréieren Hotel "Petite Marquise" fonnt goufen.

Zu Iechternach suerge virun allem zwee Sujete fir kontrovers Diskussiounen. Den Trafic ass ee vun den Haaptsujeten am aktuelle Walkampf ëm d'Gemengeposten. Aktuell leeft zu Iechternach ee grousse Projet, fir souwuel d'Park- wei och d'Verkéierssituatioun ze verbesseren.

Firwat sinn d'Gemengewalen dëst Joer eigentlech am Juni, obwuel se soss ëmmer am Hierscht waren? D'Pia Oppel mat engem Réckbléck, wéi et zu dëser Ofännerung komm ass.

Ongewéinlech vill Reen hat am Juli 2021 fir schlëmm Iwwerschwemmungen uechter d'ganz Land gesuergt. Vill Leit hu missten evakuéiert ginn. Och an der Gemeng Rouspert-Mompech ass ee vun de Waassermassen iwwerrascht ginn.

D'Pirate wëllen an all den 13 Gemengen, wou si untrieden, op d'mannst ee Gemengeconseiller kréien. Ass dat net ze héich gepokert? Den Tommy Klein mengt net: "Mir sinn esou gutt opgestallt, wéi nach ni".

Den Tourismus bréngt weider vill Leit op Veianen. Trotz ville Visiteure leeft net alles optimal. D'Veianer Schwämm, déi renovéiert muss ginn, an de Kloterpark, sinn nach ëmmer zou.

Den Escher CSV-Buergermeeschter Georges Mischo hätt näischt dogéint fir och nom 11. Juni weider mat Gréngen an DP an enger Koalitioun zesummen ze schaffen. Och mat der LSAP? A wëll d'LSAP iwwerhaapt mat der CSV?

An eiser Emissioun "Am Fong, live vun der Brillplaz", gouf et ee Konsens: Et wier gutt, datt Esch nei Infrastrukture fir d'Kultur krut. Mee et wiere Schwieregkeete gi fir de Public ze erreechen.

D'Wieler hunn den 11. Juni zwar de Choix tëscht verschiddene Lëschten, mee d'Parteie spillen trotzdeem keng grouss Roll an der nërdlechster Gemeng vum Land. De Rick Mertens war sech de "Walkampf" op Ëlwen ukucken.

Wëntger, déi flächeméisseg gréisst Gemeng am Land, kritt nom 11. Juni ganz sécher en neie Buergermeeschter. De Marcel Thommes vun der CSV geet nämlech net méi mat an d'Walen. Wéi gesäit de Walkampf elo aus?

De Wëlzer Buergermeeschter Fränk Arndt ass mat juristeschen Enquête konfrontéiert, mee geet nach eemol mat an d'Gemengewalen. Säin Erausfuerderer Maurice Muller vun der DP fënnt dat keng gutt Entscheedung.

D'Liewen um Duerf huet sech verännert. Dat ass och bei dëse Gemengewalen een Theema. Dat, well a villen Dierfer ëmmer manner Déngschtleeschtungen ugebuede ginn. Esou och an der Fiels.

D'Gemeng Conter wëll hir Populatioun bal ganz mat Drénkwaasser aus der Millbech Quell versuergen. Fir d'Pestiziden eraus ze kréien investéiert d'Gemeng an eng grouss Filteranlag.

D'Annette Willems-Kirsch, déi zu Schenge fir d'Oppositiounslëscht "Besser Zesummen" an d'Wale geet, schwätzt sech dofir aus, datt d'Gemeng Schengen hir dräi aktuell Schoulgebaier behält.

De Cluster for Logistics fuerdert, datt et fir de Logistikzenter an der Industriezon zu Contern endlech eng Léisung gëtt. Verschidde Propose leien um Dësch, mee eng definitiv Léisung nach net.

De Generalsekretär vu Fokus weist sech optimistesch, datt seng Partei bei de Chamberwalen an all Bezierk mat enger voller Lëscht kann untrieden. Et wéisst ee schonn, wéi d'Lëscht kéint ausgesinn.

2023 ass ee Superwaljoer. Mee wat kënnen eis d'Gemengewalen iwwer den Ausgank vun de Chamberwale verroden? Wéi änlech ass d'Walverhale bei dësen zwou Walen - oder eben vläicht net.

Heiansdo gëtt gesot, d'Gemengesekretäre wieren déi heemlech Buergermeeschteren. Fir gewuer ze ginn, ob dat och esou ass, war de Maurice Molitor op Klierf bei d'Danielle Schroeder. Si ass zënter 32 Gemengesekretärin.

De Gary Diderich, den an der Südgemeng fir déi Lénk untrëtt, sot, d'Walen zu Déifferdeng wieren "esou oppe wéi nach ni". Déi Lénk kéinte sech dowéinst duerchaus virstellen sech no de Walen un enger Koalitioun ze bedeelegen.

De Projet Nordstad soll aus fënnef Gemengen eng maachen. Dat ass d'Iddi, déi um Dësch läit. Mee zwee Dikrecher Oppositiounsvertrieder bréngen elo eng méi kleng Fusioun an d'Spill.

D'CSV an och d'Pirate wënschen sech méi Police-Presenz zu Péiteng. De Jean-Marie Halsdorf an de Marc Goergen ware sech awer net eens, wéi een am Beschte fir déi zousätzlech Police-Presenz ka suergen.

An der klenger Gemeng Bettenduerf bei Dikrech wëllt deen éischte Schäffe José Vaz Do Rio d'Féierung vun der Gemeng iwwerhuelen. Mir hunn eis mam gebiertege Portugis getraff.

"Alerte Rouge" - Urgence Logement": Ënnert deem Motto war de Samsdeg de Mëtteg um Knuedler an der Stad e Protestpiquet vun der Koalitioun Wunnrecht, an där eng 20 Organisatioune regroupéiert sinn.

D'Buergermeeschtesch vu Buerschent plädéiert dofir, datt d'Wieler och a Majorzgemengen d'Recht kréien, eenzele Kandidaten zwou Stëmmen ze ginn. D'Méiglechkeet, esou eng Präferenz auszedrécken, gëtt et aktuell am Walsystem net.

"Sozialistesch Héichbuerg" - wann déi Beschreiwung op eng Gemeng am Land zoutrëfft, dann ass et Diddeleng: D'LSAP huet hei nämlech zënter 77 Joer eng absolutt Majoritéit. Déi kéint awer bei de Gemengewalen un d'Wackele kommen.

"Sozialistesch Héichbuerg" - wann déi Beschreiwung op eng Gemeng am Land zoutrëfft, dann ass et Diddeleng: D'LSAP huet hei nämlech zënter 77 Joer eng absolutt Majoritéit. Déi kéint awer bei de Gemengewalen un d'Wackele kommen.

Den Duerfkär vu Beetebuerg wäert an den nächsten 10 bis 15 Joer erneiert a Verkéiers-berouegt ginn. Et gëtt en deiere Projet fir eng Gemeng, déi elo schonn déi am véiert héchst verschëlt am Land ass.

Bech ass eng kleng, diskret Gemeng, déi et nëmme seelen an déi national Schlagzeile packt. De Projet vun e puer abordabele Wunnengen um Site vun der aler Schoul huet dogéint ëmmer erëm fir Diskussioune gesuergt.

Bezuelbar Wunnenge fir iwwer 2.000 Leit entstinn am neien an innovative Quartier Elmen zu Ollem, an der Gemeng Kielen. Mir hunn eng vun den éischten Awunnerinne begéint.

Enn 2019 haten déi Responsabel vun der Gemeng Bech de Projet virgestallt. Ugangs war rieds vun zéng abordabele Wunnengen, déi um Site vun der aler Schoul op der Schanz sollten amenagéiert ginn. Elo sinn et der manner.

Zu Réiden op der Atert gëtt et en zolitte Clinch tëscht dem 2. Schäffen an dem Rescht vum Schäffen- a Gemengerot, deen d'Stëmmung am Virfeld vum 11. Juni nawell elle belaascht.

De Klima- an Energieplang nennt d'Hausaufgaben, déi an deenen eenzele Secteuren ze maache sinn, fir datt mir d'Klimakatastroph nach evitéiert kréien. Och op Gemengeniveau soll dat Konsequenzen hunn.

Eng 1.000 Wunnenge ginn um Site vum fréieren Agro-Zenter zu Miersch gebaut. No den Iwwerschwemmunge vun 2021 ginn do awer elo extra Héichwaasser-Schutz-Mesurë respektéiert. Mir duerften de Chantier besichen.

Hesper huet vill negativ Schlagzeile mat enger Detournements-Affär gemaach. Wéi eng Roll spillt dat am Gemengewalkampf? Mir hu mat de Vertrieder vun CSV, DP an déi gréng diskutéiert.

Déi privat Sécherheetsbeamte sollen an Zukunft vun dräi Auer mëttes un an der Haaptstad circuléieren, an net wéi aktuell vu fënnef Auer un. Dat huet d'Stater Buergermeeschtesch Lydie Polfer um Mëttwoch virun der Press annoncéiert.

Hie wier der Meenung, datt Iwwerwaachungskameraen ee wichtegt Element wieren, fir de Sécherheetsproblem am a ronderëm den Déifferdenger Park Gerlache an de Grëff ze kréien, sou den LSAP-Conseiller Guy Altmeisch.

Weiler-zu-Tuer ass eng Gemeng vun 2.500 Leit, de Buergermeeschter vun do huet 13 Stonne Congé politique fir senger Funktioun nozegoen. Dat géif bei wäitem net duergoen, sou de Vincent Reding.

Iwwer de Mobilitéitsplang 2035 vun der Gemeng Esch scheeden sech d'Geeschter. Fir d'Majoritéit een Dokument, dat eng kloer Richtung virgëtt. Fir d'Oppositioun "komesch", datt dëse grad elo virgeluecht gëtt.

Eclat an der Gemeng Sandweiler, wou um Donneschde Moien eigentlech de PAG sollt gestëmmt ginn. Mee d'LSAP an DP-Oppositioun huet de Sall aus Protest verlooss.

An der Gemeng Walfer gëtt een dem Trafick net Meeschter. De grousse Problem dovun ass de Bäreldénger Bierg. Fir ee fléissenden Trafick ze kréien, ass et do sënnvoll eng Paralellstrooss ze bauen?

Do wou et sënnvoll an néideg wier, géif Bartreng a Stroossen zesumme schaffen. Déi zwou Gemenge géife gutt beienee passen, och vun der Mentalitéit hier, soen d'Buergermeeschter:inne Monique Smit-Thijs an Nico Pundel.

De fréieren LSAP Buergermeeschter, John Lorent, hat seng Majoritéit verluer. Déi rout-gréng Koalitioun ass domat geplatzt a gouf duerch eng CSV-DP Majoritéit ersat. De Jean Weiler verséchert, d'Situatioun hätt sech elo berouegt.

Et ramouert tëschent de Fusiounsgemenge Bous a Waldbriedemes. Ënner anerem wéinst dem gemeinsame Gemengenhaus, dat no der Fusioun soll entstoen.

D'DP trëtt a 47 vun de am Ganze 56 Proporzgemenge mat eegene Lëschten un. Domat huet d'DP zwou Lëschte méi wéi d'CSV, déi a 45 Proporzgemengen untrëtt.

Zanter 30 Joer ass d'LSAP-Politikerin an der Sandweiler Lokalpolitik aktiv. Nom 11. Juni wëll si d'CSV-Buergermeeschtesch Simone Massard-Stitz ofléisen.

Zu Miersch géifen déi Lénk net fir d'Gemengewalen untrieden, seet d'Carole Thoma. Hei war ënnert anerem de Serge Tonnar als Kandidat fir Déi Lénk am Gespréich. De bekannte Museker geet deemno net fir d'Partei an d'Gemengewalen.

Zu Leideleng gëtt et den 11. Juni manner Konkurrenz wéi erwaart: D'Diane Bisenius-Feipel a véier aner Membere vun hirer Lëscht vun 2017 hunn annoncéiert, net méi mat an d'Gemengewalen ze goen.

De vel'OH, gëtt haut 15 Joer al - déi turquoise-blo Vëloe fir auszeléinen, gehéiere fest zum Bild vun der Stat dobäi. Mir hunn ee Bilan iwwer dem Service seng Entwécklung gemaach.

E Samschdeg war d'Journée nationale de l'inscription. D'Gemenge waren opgeruff den Auslänner um fräie Samschdeg d'Méiglechkeet ze ginn, sech op d'Wielerlëschten anzedroen. Mir waren dobäi.

"Courage fir Verännerung"- mat dësem Slogan wëll d'Partei Fokus am Oktober an d'Chamberwalen zéien. Um Nationalkongress zu Schëtter gouf d'Campagne virgestallt.

Sondagë géifen Tendenzen erëmspigelen "déi et net ze ignoréiere gëllt", seet den Tommy Klein. Mee och wann d'Sonndesfro de Piraten e gewëssen Opschwong géif attestéieren, wier se trotzdeem nëmmen eng Momentopnam.

An der Stad ginn et ëmmer méi Leit, déi net op där Plaz wunnen op där se ugemellt sinn. Anescht wéi vun der Stater Buergermeeschtesch Lydie Polfer duergestallt, géifen déi Leit net vum System profitéieren, mee ëmgedréint, esou d'ASTI.

D'LSAP wëllt an all den Uertschaften am Land eng Vitess-Limitatioun vun 30 km/h aféieren. Dat steet an de Sozialisten hirem Walprogramm fir d'Gemengewalen.

A gutt 5 Joer sollen déi zwou Extensioune vum Tram fäerdeg sinn: eng um Kierchbierg an eng Richtung Hollerech. D'Käschte gi vum Staat a vun der Stad Lëtzebuerg gedroen.

Nom Accident mat dräi Doudegen am Neiduerf plädéiert de Stater Verkéiersschäffe Patrick Goldschmidt dofir, fir op där an aneren Entréeën an d'Stad ee Radar opzestellen. Tempo 50 sollt och just nach d'Ausnam bannent der Stad sinn.

D'Buergermeeschtesch vu Conter seet si wier "erféiert", datt DuPont Teijin Films 160 Aarbechtsplazen an hirer Gemeng wëllt ofbauen. Si wier vun der Nouvelle "iwwerrascht" ginn, datt de Chemieproduzent zwou Produktiounslinne wéilt zoumaachen.

Bei Dupont Teijin Films zu Conter sollen 160 Aarbechtsplazen ofgebaut ginn. Doriwwer huet d'Direktioun vun der Chimie-Entreprise d'Personaldelegatioun an d'Gewerkschaften LCGB an OGBL informéiert.

Piraten wëllen dës Kéier ëm déi 200 Kandidat:inne fir d'Gemengewale stellen, esou de Sven Clement. Dat wieren der bal dräi mol esou vill wéi bei de leschte Walen.

Um Kongress de Samsdeg op Esch-Belval - 95 Deeg virum Wahlsonndeg - gouf d'DP-Campagne presentéiert. "Mir wäerten dëst Joer zu engem bloe Joer maachen", gouf ugekënnegt.

Op Suessemer Säit gesäit een de rezente Virstouss vun de grénge Ministere Bausch a Welfring éischter positiv. Grouss ass awer d'Iwwerraschung op Käerjenger Säit.

De Buergermeeschter vu Colmer-Bierg kandidéiert bei de Gemengewalen den 11. Juni net méi. Dat huet de Christian Miny dem radio 100,7 op Nofro hi gesot. Hie wëllt sech komplett aus der Gemengepolitik zeréck zéien.

Ass d'Hamiliusplaz an der Stad privat oder public? Dat froen Déi Lénk an enger Question urgente un de Stater Schäfferot. D'Proprietäre vun der Plaz wéilten nämlech keng Manifestatioun op hirer Plaz.

Déi gréng hunn decidéiert mat enger nationaler Spëtzekandidatin oder engem Spëtzekandidat an d'Chamberwale vum 8. Oktober ze goen. Déi deementspriechend Resolutioun ass um Samschdeg mat grousser Majoritéit um grénge Parteikongress zu Zolwer ugeholl ginn.

Flüchtlinge komme wéinst dem Krich an der Ukraine op Lëtzebuerg. D'Gemeng Hesper huet séier reagéiert. Een Haus wat eigentlech hätt sollen ofgerappt ginn, gouf sou amenagéiert, fir dass Leit eraplënnere kennen.

100 Gemengen ziele mir deemnächst zu Lëtzebuerg, mee d'Gemenge ginn ëmmer méi grouss. D'Wuesstumspolitik stellt nei Erausfuerderungen um lokale Niveau, stellt de Laurent Moyse am Fräie Mikro fest.

D'EU huet sech d'Zil gesat, datt bis 2030 keng Leit méi sollen op der Strooss liewen. Eleng an der Stad Lëtzebuerg goufen awer am Oktober eng 200 Leit gezielt, déi kee festen Dag iwwer dem Kapp hunn.

D'Biergerinitiativ Amber 380 KV wiert sech géint d'Installatioun vun enger Héichspannungsleitung vun 380kV - also 380.000 Volt - vun der Creos. Deen aktuell geplangten Tracé wier ze no un den Haiser drun.

D'Gemeng Dikrech krut Onrecht um Verwaltungsgeriicht am Fall vun der Hausse vun der Grondsteier op eidelstoend Terrainen. Dat sot eis den Affekot vun de Kläger, de Jean-Marie Bauler.

De Konsumenteschutz fuerdert contraignant Mesuren, déi d'Banken drun hënnere solle systematesch Agencen zouzemaachen a Bankomaten ofzebauen. Dat wier e richtege Gesellschafts-Probleem, seet déi nei Directrice vun der ULC, Aline Rosenbaum.

D'Lëtzebuerger Tiny Houses Community ass frou iwwert d'Annonce datt den Inneministère am gaange wier nei Typpe vu Reglementer auszeschaffen, fir de Gemengen d'Méiglechkeet ze ginn Tiny Haiser am Gemengereglement virzegesinn.

Bei de Gemengewale kann dës Kéier jidderee matmaachen - egal wéi laang ee schonn am Land ass. Mee firwat hält den Undrang sech bis elo a Grenzen? De Rick Mertens huet Sergio Ferreira vun der ASTI gefrot.

An der Gemeng Weiler zum Tuerm huet op en neits e Member vum Gemengerot demissionéiert. Trotz villen turbulenzen am Gemengerot ass dës Demissioun awer net op Konflikter zeréckzeféieren.

De Wirtschaftsberoder war laang bei der DP engagéiert - elo geet hien awer fir déi gréng an d'Gemengewalen. Wouhier kënnt dee Sënneswandel? De Rick Mertens huet nogefrot.

Mat dëser éischter Etapp vun der Reform vum Gemengegesetz sollen déi 102 Gemenge méi autonom funktionéieren an d'Prozedure vereinfacht ginn. D'Gemenge sollen net just kontrolléiert, mee och begleet ginn.

Den deementspriechende Projet "Schlasskéier" ass virgestallt ginn. Et gëtt eng Klinik ouni Better, just fir ambulant Behandlungen an der Poliklinik, a fir kleng Operatiounen ouni stationären Openthalt.

Den Inneministère an d'Gemeng Schëffleng hu verschidden Interpretatioune wat de neie Bautereglement vun der Südgemeng ugeet. Eng Rei Dispositioune géifen an de PAG respektiv an e PAP gehéieren.

Fir d'Chamberwale si bei de grousse Parteien esou lues d'Spëtzekandidat:inne bekannt. D'Pläng vun der LSAP a vun der CSV sinn net ouni Risiko, mengt de Jean-Claude Franck.

Den Dikrecher Buergermeeschter ass weider optimistesch, datt seng Gemeng an de nächste Jore mat de Nopeschgemenge Bettenduerf, Ierpeldeng, Ettelbréck a Schieren wäert fusionéieren.

De geplangte Bau vun engem Hotel zu Rodange stéisst bei den Awunner op Widderstand. Zwou Biergerinitiativen hu sech dofir gëschter Owend zu Rodange am Doihl versammelt, wou den Hotel gebaut soll ginn.

Et alles alles anescht wéi kloer, ob déi Kandidat:innen, déi fir d'Gemengewalen optrieden, och fir d'Chamberwalen a Fro kommen oder ëmgedréint. Där Meenung ass de Michel Pauly am Fräie Mikro.

Aleng d'lescht Joer hätten iwwer 2.400 Leit aus dem Populatiounsregëster misste gestrach ginn, well si guer net op där Plaz wunnen, op där se eigentlech ugemellt sinn. Eng grouss Partie dovunner wieren Abuse gewiescht.

Onpoleemesch, sachlech a Fakten-orientéiert - esou gesinn déi gréng sech selwer an hirer politescher Aarbecht. Op hirem Neijooschpatt e Méindeg gouf et och vill Luef fir déi eege Regierungsmemberen.

D'Inneministesch hofft bei de Gemengewalen op méi Jonker a méi Fraen op de Lëschten. Aktuell wiere vun de politesche Mandater an de Gemenge knapp ee Véierel vu Frae besat.

Och d'Gemenge kréien déi aktuell Situatioun um Logementsmarché ze spieren: an eng Partie vun hinne wäerten an den nächste Jore méi virsiichteg musse sinn, wann et drëm geet ze bauen, seet den Emile Eicher.

Fir d'Gemengewalen hate sech Stand Enn leschter Woch 28.657 Net-Lëtzebuerger:innen op d'Wielerlëscht agedroen. Dat si ronn 11 Prozent vun deene Leit, déi sech androe kënnen. D'Delaie kommen awer ëmmer méi no.

Déi lescht Méint kréich een d'Präisdeierecht och zu Lëtzebuerg ze spieren, seet d'Gerante vun der Epicerie sociale zu Stengefort. Wéi erliewen d'Clienten an den Epicerien dës Situatioun?

Den IRM Potaschbierg begréisst, datt hiren Zenter elo offiziell eng Zouloossung vun der Santé krut. De Moien hunn d'Gesondheetsministesch Paulette Lenert an de Center Hospitalier CHL déi néideg Konventioun ënnerschriwwen.

D'Lydie Polfer wëllt weider sechs Joer Buergermeeschtesch vun der Stad Lëtzebuerg bleiwen, sollt si erëmgewielt ginn. Falls een aneren op der DP-Lëscht méi Stëmme kritt, géif si de Wielerwëlle respektéieren.

D'Lydie Polfer huet de Moien op RTL confirméiert, datt si bei de Gemengewalen nach eng Kéier DP-Spëtzekandidatin an der Stad gëtt. Co-Spëtzekandidat gëtt den DP-Schäffe Patrick Goldschmidt.

D'Lydie Polfer seet, si wier "e bësse schockéiert, datt en ëffentlech-rechtleche Sender Onwourechten an d'Welt setzt". Dat ass net an der Rei, mengt de Jean-Claude Franck an engem Kommentar.

Bei den nächste Gemengewalen gëtt d'Stater DP-Lëscht vun der aktueller Buergermeeschtesch Lydie Polfer ugefouert. Déi Decisioun ass 100,7-Informatiounen no viru Kuerzem gefall, no engem méintelaangen internen Hin an Hier.

2023 solle privat Sécherheetsagenten nieft der Uewerstad och nees am Garer Quartier an zu Bouneweg patrulléieren. Am Budgetsprojet 2023 vun der Haaptstad si 600.000 Euro fir privat Sécherheetsfirme virgesinn.

Zu Wäiswampech kéint eng al Buvette als monument national klasséiert ginn. Den Hoke bei der Saach: d'Buvette läit genee do, wou e Promoteur säin Appartementsprojet beim Wämper Séi wëllt realiséieren.

D'Stad Lëtzebuerg schléisst dëst Joer mat engem Budgetsdefizit vu 40 Milliounen Euro of - virgesi war méi, nämlech 130 Milliounen Euro. Fir d'nächst Joer ass een Defizit vun 20 Milliounen Euro virgesinn.

Spéitstens an der Hallschent vun der nächster Legislaturperiod misst de Referendum iwwer d'Nordstadfusioun organiséiert ginn, seet de Claude Thill. D'Gemengeréit vun de fënnef betraffene Gemenge wiere sech eens.

Déi fréier ADR-Vertriederin ass nees zeréck am Stater Gemengerot, dat als onofhängeg Kandidatin. D'Marceline Georgen huet awer nach net decidéiert, ob si nach eng Kéier mat an d'Gemengewale geet.

Net nëmmen an de Südgemengen wäert de Waasserpräis klammen. Op Nofro hi bestätegen déi dräi aner grouss Waassersyndikater, datt och si de Präis vum Waasser eropsetze wéinst den héijen Energiepräisser.

De Spriecher vu Fokus seet, datt d'Trennung vun de Chamber- a Gemengewalen "widdersënneg" wier. Seng Partei fuerdert, fir d'Walen d'nächst Joer op deem selwechten Dag ze halen.

De Waasserpräis wäert an 22 Südgemengen ëm 40 Cent de Meterkibb klammen. Keen hätt déi Decisioun mat Begeeschterung geholl, mee si wier awer néideg gewiescht, seet den Tom Jungen, President vum Waassersyndikat SES.

Viru kuerzem gouf de Plan directeur fäerdeg, ee vun de wichtegsten Instrumenter vun der Landesplanung. D'Gemenge misste bei den Diskussioune méi agebonne ginn, fuerdert de Syvicol.

Wéi gutt schneit d'Stad Lëtzebuerg a Saachen Akommes, Logement a Bildung of? Wou ginn et Inegalitéiten? Mat dëse Froe beschäftegt sech den éischte LISER-Rapport iwwer déi sozial Lag an der Haaptstad.

Am Iechternacher Gemengerot huet d'CSV-LSAP Koalitioun hier Majoritéit verluer. Dat, well den CSV-Conseiller Christophe Origer bei déi gréng wiesselt, dës wier elo déi stäerkste Partei am Gemengerot.

Den Escher Sozialschäffe ass zefridde mat der Entwécklung vum Site Esch-Belval als Géigepol zur Stad mat neien Aarbechtsplazen. Et bräicht een awer och Aarbechtsplazen, fir déi ee keen Uni-Diplom brauch.

De Syvicol proposéiert, fir de Seuil eropzesetzen, fir vum Majorz- an de Proporzsystem ze wiesselen. Déi gréisste politesch Parteien am Land hunn ënnerschiddlech Meenungen zu dëser Propos.

Déi jonk gréng fuerderen, datt d'Regierung hir Steierproposen am Logementsberäich nach eng Kéier iwwerdenkt. D'Mesuren, déi aktuell um Dësch leien, géifen net wäit genuch goen, esou de Fabricio Costa.

De Syvicol fuerdert, datt d'Regierung d'Gemengen als Partner soll ugesinn. De Gemengesyndikat huet en vue vun de Chamberwale 36 Propose fir déi nächst Legislaturperiod op den Dësch geluecht.

Wéi kritt ee Fraen iwwerzeegt an d'Politik ze goen? De CNFL wëllt virun de Gemengewale sensibiliséieren. De Changement an de Mentalitéite bräicht awer Zäit, seet d'Claudine Speltz vum CNFL.

A senger neier Serie "Karten an Zuelen" verëffentlech de Ministère fir Landesplanung eng Rei Fakten iwwer Landesplanung a Landesverbauch zu Lëtzebuerg. Dëst ass e wichtegt Instrument fir Landesplanung.

D'nächst Woch sollen déi éischt Asyldemandeuren an déi frësch renovéiert Flüchtlingsstruktur an der Weilerbaach kommen. Hei ass Plaz fir maximal 190 Persounen. Den Ëmbau huet ronn 26 Milliounen Euro kascht.

Sozial Hëllefen ënnerstëtzen d'Leit beim Iwwerliewen, mee déi laangfristeg Prekaritéit huet een Impakt op d'Gesondheet vun de Leit, seet d'Presidentin vun der Entente des offices sociaux.

D'Liewen an engem "Tiny House" ass abordabel a minimalistesch, se passe bei d'Besoine vun der Zäit. D'Gemeng Stroosse wëllt eng Rëtsch där klenger Haisercher op hirem Territoire installéieren a verlounen.

No der Ried zur Lag vun der Natioun fënnt d'Carole Reckinger vun der Caritas, datt d'Regierung net wäit genuch geet, fir d'Aarmut ze bekämpfen, an datt just wéineg konkret Mesurë genannt goufen.

​Et gëtt nach keng Decisioun iwwer de geneeë Verlaf vum Tracé vun der ëmstriddener Héichspannungsleitung duerch den Uelzechtdall vum nationale Netzbedreiwer Creos. Dës Leitung soll déi national Stroumversuergung laangfristeg garantéieren.

D'Stad Esch kritt ee neie lokale Sécherheetsplang. Nieft preventive Moossnamen ewéi d'Beliichtung oder Streetworker, sollen Iwwerwaachungskameraen agesat ginn, seet den Escher Buergermeeschter Georges Mischo.

D'Gemengepolitik soll méi attraktiv gemaach ginn - dat iwwer de Wee vun enger weiderer Deel-Reform vum Gemengegesetz. D'Inneministesch Taina Bofferding huet de Moien den Text dofir presentéiert.

De Projet Housing-First fir Fraen, déi op der Strooss liewen, scheitert bis elo un der Wunnengssich. D'Caritas, déi de Projet geréiere soll, fënnt keng passend Wunnengen.

D'Präisdeierecht am Beräich vun der Energie trëfft och ëffentlech Träger wéi Gemengen. De Syvicol fuerdert dofir, datt den Energieministère Beroder bei d'Gemenge schéckt fir si beim Energie spueren ze ënnerstëtzen.

Wéinst presuméiert net-konform Zebrasträife wëllt d'ASBL "ZUG" d'Stad Lëtzebuerg op d'Geriicht huelen. 475 Foussgängersträife wieren der ASBL no net konform, d'Stad Lëtzebuerg schwätzt vu 37 Fäll.

De Serge Wilmes gëtt virëschte Schäfferéit d'Responsabilitéit dofir, datt um Knuedler net méi Beem geplanzt ginn. Déi Decisioun wier scho gefall, éier hien d'Responsabilitéit fir ëffentlech Plazen iwwerholl huet.

Um Kierchbierg gëtt an de nächste Joren e neie Wunnquartier fir eng 7.000 Leit gebaut. Deeler déi scho bebaut si wäerten och verännert ginn. D'Zil ass et, de Kierchbierg méi zu engem Wunngebitt ze veränneren.

Wéi wäert sech Lëtzebuerg bis 2050 entwéckelen? Am Wirtschaftsministère solle bis Mäerz d'nächst Joer véier bis fënnef Zukunftszenarien ausgeschafft ginn, déi dëst virzeechnen.

Et hätt een an der Tëschenzäit all feelend Dokumenter fir de Bau vun der neier Energiezentral zu Iechternach bei de betraffene Verwaltungen agereecht. Dat schreift den Iechternacher Schäfferot an engem Communiqué den Dënschdeg.

D'EU-Energieministeren hunn e Plang decidéiert, mat deem an der EU 15 Prozent am Gas-Verbrauch soll gespuert ginn. De President vum Syvicol seet, datt d'Gemengen och matschaffe mussen, fir dat Zil ze erreechen.

Jonk Aktivist:inne besetzen zanter enger Woch e Stéck Bësch tëscht Käerjeng a Suessem. Si wëlle verhënneren, datt de sougenannte "Bobësch" fir de Käerjenger Contournement Plaz muss maachen.

Huet een als Buergermeeschter genuch Zäit fir och an der Chamber ze sëtzen, oder wier et besser d'Mandater ze trennen? Den Escher Député-maire gesäit just Virdeeler a sengem Duebelmandat.

D'Héichwaasser vum leschte Joer huet d'Gemeng Rouspert-Mompech verännert. Fir de Buergermeeschter ass eppes kloer: Fir d'Gemeng gëtt et eng Zäit virum 14. a 15. Juli 2021, an eng dono.

No Meenung vun der DP-Fraktioun wier et an dësen Zäiten "absolut onverantwortlech" esou eng ëmfaassend Steierreform ëmzesetzen. Ouni Pandemie an Ukrain-Krich hätt ee sech eng Steierreform kënne leeschten.

Vill vun de Vel'OH-Maschinnen an der Stad si futti, den Exploitant JC Decaux kritt se net séier genuch gefléckt - eng Erausfuerderung fir d'Stad Lëtzebuerg, seet den zoustännege Schäffen Patrick Goldschmit.

Manner Autoen a méi Barrièren: esou preparéiert ee sech op de Weekend um Stauséi. Hallef sou vill Autoe solle kënne bis bei d'Plage, ee Reservatiounssystem wier awer keng Optioun.

Nom groussen Undrang um Stauséi fuerdert d'Gemeng Esch-Sauer méi Police Patrulle fir d'Sécherheet ze garantéieren. Den zoustännege Ministère well an eng aner Richtung goen an d'Police entlaaschten.

Den neien DP-Parteipresident Lex Delles wëllt och no de Chamberwalen 2023 an der Regierung bleiwen. Eng vun de groussen Aufgabe vun der neier DP-Spëtzt ass et, d'Partei op d'Superwaljoer 2023 ze preparéieren.

D'Preparative fir den Iechternacher Séi als Badegewässer unzebidden, lafen op Héichtouren. Dës Saison nach wëllt d'Gemeng zwee Pontonen installéiere fir den Touristen ee Sprong an d'Waasser ze erméiglechen.

Wien ee Mandat am Gemengerot huet, muss och där Gemeng wunnen, ënnersträicht d'Taina Bofferding. Wien dës Konditioun net méi erfëllt, misst dat matdeelen a säi Mandat néierleeën, preziséiert d'Inneministesch.

19 Joer laang huet et gedauert éier zu Fréiseng d'Opfaart fir op d'Autobunn A13 a Richtung Schengen konnt genotzt ginn. Dëse Méindeg um 6 Auer Mueres ass et esouwäit.

800 bis 1.000 Vëlosfuerer hunn an der Stad fir méi Sécherheet a besser Vëlosweeër manifestéiert. D'Associatioun Provelo hat zu där Manifestatioun opgeruff.

Et kéint ee verstoen, datt Sécherheet ronderëm dat eegent Haus fir d'Leit e wichtegt Theema wier, mee et misst een och ëmmer kucken, ob d'Moyenen déi agesat gi proportionell wieren, sou de President vun der Mënscherechtskommissioun.

D'Zuel u Stéit, déi sech an den Epicerie Socialë vun der Cartias versuergen, ass bannent de leschte 5 Joer em méi wéi 30 Prozent geklommen, sou déi politesch Porte-Parole vun der kathoulescher ONG.

De Krich an der Ukrain mécht sech am Moment och an de Regaler vun de Supermarchée bemierkbar. Mir waren dofir an d'Epicerie Sociale op Esch ukucken, wéi een Impakt d'Präishaussë bei de Liewensmëttel do am Moment hunn.

D'Député-Mairë Georges Mischo an Dan Biancalana weisen d'Kriticke vun der fréierer Pro-Sud-Presidentin zréck: no hirer Demissioun d'lescht Woch hat d'Anouk Boever-Thill e "gewëssen Dysfonctionnement" an der Exekutiv vum Gemenge-Syndikat Pro-Sud kritiséiert.

Zu Iechternach di se sech schwéier mat hiren historesche Monumenter. De Michel Pauly Member vun der neier Commission pour le Patrimoine culturel, ënnersträicht am Fräie Mikro d'Bedeitung vun den archeologeschen Entdeckungen aus dem leschte Joren.

Den IRM um Potaschbierg géif ouni legal Basis agesat ginn, seet d'Paulette Lenert. En IRM dierft just an Zesummenaarbecht mat engem Spidol exploitéiert ginn - op déi Pist wéilt een zesumme mam radiologeschen Zenter goen.

D'CNS kéint Patienten, déi sech zu Gréiwemaacher scanne loossen, zum Beispill dee selwechten Tarif zréckbezuelen, wéi Leit déi en IRM-Scan am Ausland maachen, esou d'DP-Deputéiert Carole Hartmann.

D'Gesondheetsministesch Paulette Lenert huet nach net decidéiert wéi et mam Asetze vun IRMen am Centre médical um Potaschbierg zu Gréiwemaacher weider geet. Am Raum steet eng mise en demeure oder eng aner Optioun.

Wéi ugekënnegt sinn de Mëttwoch de Moien déi éischt Patienten am Centre d'imagerie médicale um Potaschbierg bei Gréiwemaacher en charge geholl ginn. D'Santé huet bis zur Stonn och keng Interventioun gemaach fir dat ze verhënneren.

An der Gemeng Klierf sicht d'CSV-Majoritéitsfraktioun no engem Koalitiounspartner, nodeems den CSV-Conseiller Theo Blasen ugangs der Woch aus der Fraktioun ausgetrueden ass.

Zu Bous a Waldbriedemes kënnt et haut zu engem Referendum iwwer eng méiglech Fusioun. D'Oploen, déi d'Gemengen erfëlle mussen, wieren ëmmer méi komplex, betount de Carlo Kütten, Buergermeeschter vu Bous.

Bei den Ofrappaarbechte vum Gebai vun der "Petite Marquise" sinn archeologesch Iwwerreschter fonnt ginn. D'Ausgruewunge wiere vun excellenter Qualitéit a missten onbedéngt erhale ginn.

De Projet Nordstad bleift eng schwéier Gebuert. Déi geplangte Fusioun vun de fënnef Nordgemengen waart zënter Joren op hir Ëmsetzung. Elo kéint et weidere Retard ginn.

Een Drëttel vum Grondwaasser kann net als Drénkwaasser benotzt ginn, well et ze knaschteg ass. 13.000 Kubikmeter kéinte pro Dag net méi geliwwert ginn, seet d'Magali Bernard vun der Waasserverwaltung.