De virtuelle Concertssall Nuechtmuseken
"Er weiß nicht, welchen Weg er schreitet, aber er geht dem fernen Lichte zu - ob dies das ewig strahlende Gestirn oder ein lockendes Irrlicht ist!". Lauschtert dem Mahler seng 7. Sinfonie mam OPL.
"Er weiß nicht, welchen Weg er schreitet, aber er geht dem fernen Lichte zu - ob dies das ewig strahlende Gestirn oder ein lockendes Irrlicht ist!", esou beschreift de Gustav Mahler den Nachtwandler a senger 7. Symphonie.
Déi 7. Symphonie mecht den Ofschloss vun der Trias vun de groussen Instrumentalsymphonie vum Mahler. Aussergewéinlech un där 7. Symphonie ass d'Heterogenitéit vun der Entstehung. De Mahler huet fir d'éischt déi zwou "Nachtmusiken" komponéiert, éier e sech mat deenen dräi anere Sätz beschäftegt huet.
D'Aarbecht um Wierk huet sech iwwer Joren higezunn. 1904 sollt am Summer déi 6. Symphonie fäerdeg geschriwwe ginn. Dem Mahler huet et allerdéngs un der néideger Inspiratioun gefeelt - par contre sinn em zwee Themen an d'Kopp komm, déi en als "Nachtmusiken" fir seng 7. Symphonie gebrauche wollt. 1905 housch et dunn, déi dräi aner Sätz komponéieren. 1908 war d'Partitur prett fir d'Uropféierung den 18. September zu Prag.
Gustav Mahler: Symphonie Nr. 7
Interpreten:
Philharmoneschen Orchester Lëtzebuerg
Andris Nelsons, Direktioun
De radio 100,7 huet dëse Concert den 10. Mäerz 2016 an der Philharmonie opgeholl. Dir kënnt dëse Concert nach bis den 28. Abrëll 2020 am virtuelle Concertssall lauschteren.
Méi zum Thema
Planet Earth
Lauschtert de Live-Matschnëtt vum 26. Mäerz 2015 mat der Militärmusek. Um Programm steet d'Uropféierung vum Marco Pütz sengem Stéck "Time for Outrage".
Matosinhos
De Sträichquartett Matosinhos ass am Kader vun der Serie Rising Stars zu Lëtzebuerg an der Philharmonie opgetrueden. Um Programm vum Live-Matschnëtt steet Mozart, Schostakowitsch, a Ravel.
