De radio 100,7 Archiv Op Besuch bei der Marie-Thérèse Kolbach

Am Mee 2008 war de Claude Mangen op Besuch zu Beefort bei der Lëtzebuerger Molerin an Zeechnerin Marie-Thérèse Kolbach. Gebuer gouf si den 23. Abrëll 1918 zu Esch-Uelzecht a war deemno bei dësem Interview 90 Joer al. Virum Zweete Weltkrich hat d'Marie-Thérèse Kolbach zu Léck op der Académie des Beaux-Arts studéiert an nom Zweete Weltkrich zu Tréier, Lëtzebuerg an och zu Bréissel.

Marie-Thérèse Kolbach
Créatiounen vun der Marie-Thérès Kolbach ©Ville d’Esch-sur-Alzette

Enn vun den 30er Joren huet si zu Léck op der Académie des Beaux-Arts studéiert. Nom Zweete Weltkrich goung si op d'Konschtschoul Tréier, d'École d'Artisans de l'État zu Lëtzebuerg a schliisslech op d'Académie des Beaux-Arts zu Bréissel, wou si hiren Éischte Präis am Zeechnen an an der Molerei krut.

1956 gouf Marie-Thérèse Kolbach Laureatin vum Potter-Präis an krut de Premier Prix de Peinture vun der Stad Bréissel. Vun 1959 un huet d'Kënschtlerin an de Salone vum CAL ausgestallt a krut 1964 de Prix Grand-Duc Adolphe. Niewent Buchillustratiounen, Collagen, Zeechnungen an Uelegbiller huet d'Artistin Wanddekoratioune fir d'Escher Spidol a verschidde Kierchen uechtert d'Land geschafen. Am Staatsmusée an op der Cour Grand-Ducale si Wierker vun der Marie-Thérèse Kolbach, genee wéi an de Kollektioune vun de Stied Esch a Lëtzebuerg.

De Claude Mangen huet 2008 mat der Kënschtlerin en Tour duerch hiren Atelier gemaach.

Net verpassen

Programm

Dossieren

  • Gemengewalen 2023

    Den 11. Juni gëtt an de verschiddene Gemenge vum Land en neie Gemengerot gewielt. Wéi eng Sujete dominéieren d'Wal a wéi verleeft de Walkampf an de vereenzelte Gemengen?

  • Chamberwalen 2023

    Den 8. Oktober gëtt zu Lëtzebuerg en neit Parlament gewielt. Kann d'Dräierkoalitioun vun der DP, LSAP an déi gréng weider d'Regierung stellen, oder gëtt et ee Regierungswiessel?

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen