De radio 100,7 Archiv Op Besuch beim Alain Atten

Am Februar 2008 war den Claude Mangen op Besuch beim National- a Lokalhistoriker, Archivar, Linguist, Dialektolog, Ethnolog, Folklorist, Literaturwëssenschaftler a Schrëftsteller Alain Atten.

Alain Atten
Foto vum Luc Marteling

Zanter de 60er Jore publizéiert den Alain Atten national- a lokalhistoresch, linguistesch a literaturwëssenschaftlech Bäiträg an Zeitungen an Zäitschrëften. Den Historiker, Linguist, Literaturwëssenschaftler an Theaterauteur gëllt als unerkannte Spezialist vum Mëttelalter. Säin Interesse gehéiert der Kulturgeschicht vun eisem Land an hien erënnert u Folklor, Traditiounen a Bräich, regional Sproochvariatiounen a war vun 1970 u Member an der Dictionnaire-Kommissioun. Bis haut zerpléckt hien op RTL-Radio als Sproochmates Lëtzebuerger Riedensaarten.

Gebuer gouf den Alain Atten den 22. Februar 1938 zu Esch un der Sauer. Nom Kolléisch zu Dikrech an dem Jongelycée an der Stad, goung hien op de Cours Universitaire. Bis zu senger Pensioun huet den Invité als Archivar a Conservateur an den Nationalarchive geschafft. Seng linguistesch an historesch Interesse huet hien och an den Déngscht vum Duerftheater gestallt. Hie war erfollegräich als Auteur mat Stécker wéi ë. a. "d'Jongesellekëscht (1983), "Polferkäpp" (1991), "D'Klëppele bei d'Tromm" (1995) a mat den Operetten "De Ligebarong" (1985) an "De Päerdsdéif" (1991).

Eng Emissioun vum Claude Mangen vum Februar 2008.

Programm

  • Notturno

  • On air

    Vu 6 bis 10

  • Vun 10 bis 2

  • Vun 10 bis 2

  • Resonanzen

Net verpassen

  • Annonce: Recherche d'un chef de la programmation

    Gebai vum radio 100,7

    L'Etablissement de Radiodiffusion Socioculturelle, opérateur de la radio de service public radio 100,7, recherche 1 chef de la programmation (m/f) pour contrat à durée indéterminée et à temps plein.

Dossieren

  • Déi eeleft Editioun vum LuxFilmFest

    Trotz Pandemie gëtt de Luxembourg City Filmfestival organiséiert. Déi 11. Editioun (4.-14. Mäerz) kritt dëst Joer awer eng liicht aner Nues: Filmer ginn deels am Kino deels online gewisen.

  • Drogen a Mënschen

    Zanterdeem et d'Mënschheet gëtt, hunn Droge si begleet. Haut hu vill Drogen e schlechte Ruff. Wisou ass dat esou a wat misst geschéien, fir besser iwwer eventuell Risike beim Konsum opzeklären?

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen