De radio 100,7 Archiv Erlieft a Verzielt: Mésy Faber

De Carlo Link war am Mee 2005 fir seng Emissioun Erlieft a Verzielt bei der Mezzosopranistin Marie-Madeleine Bergamini op Besuch. Vläicht ass d'Madame Bergamini deene meeschte besser ënner dem Numm Mésy Faber bekannt. Op der Bün war si doheem, egal ob fir den Theater, als Chansonsängerin oder fir Revuen. Lauschtert dëse flotten Interview vum Carlo Link!

Mésy Faber
Foto vum Carlo Link

D'Mezzosopranistin Mésy Faber (1925), mat hirem richtege Numm Marie-Madeleine Bergamini, war joerzéngtelaang ee feste Begrëff am Lëtzebuerger Theatermilieu, an de Revuen a bei der Lëtzebuerger Operettebühn ënner dem Auguste Donnen. Hei waren d'Soubrette-Rollen hir Spezialitéit.

Grousse Succès hat Mésy Faber als Chansonsängerin beim Radio-Circus a Frankräich a koum esou 1958 an den Olympia zu Paräis an der Show Numéro 1 de demain op déi zweet Plaz, wou si niewent der Caterina Valente opgetrueden ass. Si war och wärend zwee Joer am Conservatoire de la Chanson zu Paräis ageschriwwen.

Enregistrementer mam Orchester Jean Roderes a mam Radio-Orchester huet d'Mésy Faber an de 50er a 60er Jore gemaach, ë. a. "d'Joffer Marie-Madeleine", "Wann d'Blieder falen", "Les enfants du dimanche", fir nëmmen dës ze nennen. Si ass och mat de Luxembourg Singers opgetrueden.

Déi talentéiertst Fantasiesängerin Mésy Faber kuckt 2005 zeréck a verzielt dem Carlo Link vun hirer Gesangskarriär, déi si Mëtt de 60er Joren opginn hat.

Net verpassen

  • Offre d'emploi: Programmchef/fin

    radio 100,7

    Den Etablissement de Radiodiffusion Socioculturelle, deen de radio 100,7 bedreift, sicht en/eng neie/nei Programmchef/fin mat engem Aarbechtsvertrag op onbestëmmten Dauer (CDI) fir 40 Stonnen d'Woch.

Programm

Dossieren

  • CinÉast 2021

    Et ass déi véierzéngt Editioun vum CinÉast Filmfestival. Vum 7. bis de 24. Oktober ginn Featuren a Kuerzfilmer aus Länner aus Mëttel- an Osteuropa gewisen. Siwe Filmer sinn an der Kompetitioun.

  • Bundestagswal 2021

    Däitschland wielt de Samschdeg, 26. September en neie Bundestag. Wat sinn d'Enjeuen, wie gëtt Kanzler oder Kanzlerin, wéi verleeft d'Wahlkampagne. An eisem Dossier zum Theema Bundestagswal gidd Dir alles gewuer.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen