De Jemp Bertrand (1921) vu Mënsbech aus der Gemeng Schëtter, fréiere Steierbeamten, Hobby-Politiker an Hobby-Jurist, ass tëschent de Joren 1958 an 1999 meeschtens mat eegene Lëschte bei lokalen an nationale Walen ugetrueden. Mat der Lëscht De Steierzueler war hien eng leschte Kéier 1999 bei de Chamberwalen am Bezierk Zentrum an d'Course gaangen. Donieft hat hie sech ë. a. an der Vereenegung Lëtzebuerg-Siebenbürgen agesat.
De Jemp Bertrand, deen am Krich Resistenzler war, aus dem KZ-Hinzert fräi koum, kuckt zeréck a schwätzt doriwwer, wat hie beweegt huet an der Politik matzemëschen a mécht de Bilan, wat hien op dësem Gebitt bewierke konnt.
Eng Emissioun vun 2005 vum Carlo Link