De radio 100,7 Archiv Binôme: Jean-Claude Juncker an Edmond Israel

1998 huet de Jean Portante seng Emissioun "Visitekaart" mat enger klenger Verännerung um 100,7 ulafe gelooss. Den Titel dovu war "Binôme" an huet aus zwou Perséinlechkeete bestanen.

Edmond Israel , Jean-Claude Juncker
Edmond Israel Foto aus dem CNL; Fotograf Anise Koltz

Eng Emissioun, an där de Jean Portante zwou Perséinlechkeeten aus der sozio-kultureller Zeen (Kultur, Politik, Wëssenschaft, Sport, asw.) vum Land empfänkt. Zwou Perséinlechkeeten aus deemselwechte Beräich, déi sech schätzen, eppes mateneen ze dinn hunn a Loscht hunn, een iwwer deen aneren ze schwätzen. Zwee Portraiten entstinn esou, op eng originell Aart a Weis gezeechent.

Déi zweet Persoun ass den Invité vun där éischter. De Start huet den Jean Portante mam deemolege Premier Minister vu Lëtzebuerg gemaach, dem Jean-Claude Juncker. Deen dorops hi säin Virbild mat an de Studio bruecht huet. Eng Fro vum Jean Portante un de Jean-Claude Juncker war, wéi gutt hie säin Virbild, den Edmond Israel, wierklech géif kennen.

Ee ganz Intime Portrait vum Jean-Claude Juncker an dem Edmond Israel. Wou et net nëmmen ëm Politik an d'Lëtzebuerger Finanzplaz geet, mee wou zwou Persounen hir Frëndschaft dem Nolauschterer no bréngen. Fir dës Frëndschaft besser kennenzeléieren, kënnt Dir hei déi ganz Emissioun nach emol lauschteren:

Programm

Net verpassen

  • 23.1. Riicht eraus mat der Blanche Weber

    Blanche Weber

    Nieft der aktueller sanitärer Kris ginn et aner Krisen, déi d'Liewen op dësem Planéit veränneren a weider verännere wäerten: De Klimawandel an d'Aartestierwen. Och Ëmweltschützer bréngen et net fäerdeg, e séiert Ëmdenken ze bewierken. Firwat? Ënner anerem doriwwer schwätze mer mat der Mouveco-Presidentin.

Dossieren

  • CinEast-Festival 2020

    De CinEast-Festival weist eng Selektioun vu mëttel- an osteuropäesche Filmer. Déi 13. Editioun ass wéinst der Covid-Pandemie eng hybrid: d'Filmer gi souwuel um groussen Ecran wéi och online gewisen.

  • AutorInne-Lies

    D'Publikatioun PM 19 10 huet d'Valerija Berdi inspiréiert fir déi akustesch Athmospär fir d'Buch ze liwweren. Hatt huet sech dofir op de Wee gemaacht an eng ganz Rei Andréck bei Autorinnen an Auteuren doheem akustesch agefaangen.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen