Kinoslandschaft Zwee Kinoe vum Grupp Caramba sinn zou

De Kinosbedreiwer Caramba Sàrl huet schonn zënter Längerem kee Loyer méi fir de Kinosch an den Ariston zu Esch bezuelt. Den Ariston kéint deemnächst de Propritaire wiesselen.

Maxi Pesch / po

Exklusiv Ariston Esch
(©Andy Maar)

De Ciné Artiston kéint demnächst de Besëtzer wiesselen. D'Gemeng Esch ass interesséiert de Kino opzekafen, esou de Jean Tonnar, Kultur-Schäffen an der Gemeng Esch. De Kinosbedreiwer Caramba Sàrl huet eisen Informatiounen no schonn zënter Längerem kee Loyer méi bezuelt. De Proprietaire vum Gebai am Escher Quartier Brill sinn d'"Oeuvres Paroissiales Esch-Grenz". Dës huet eng Plainte gemaach. De Freiden ass d'Affär viru Geriicht, esou de Responsabelen vun den "Oeuvres". Am Ariston sinn den Ament keng Filmer programméiert.

Am Kinosch, engem weidere Kino vu Caramba, gëtt d'Programmatioun zënter dem éischte Januar nees vun der Kulturfabrik geréiert. Den Ament ginn awer nach keng Filmer gewisen. Och hei hätt Caramba schonn ee Joer kee Loyer bezuelt, esou den Direkter vun der Kufa Serge Basso de March.

Problemer trotz Konventioun mam Ministère

Zum Grupp Caramba gehéieren nach de Ciné Kursaal zu Rëmeleng, de Ciné Wassserhaus zu Munneref an de Ciné Ermesinde zu Miersch. Déi Responsabel vu Caramba wollten näischt iwwer d'Situatioun vun hirem Grupp soen.

Zejoert hat de Kulturministère eng Konventioun mat Caramba ënnerschriwwen. An engem Communiqué huet de Kinosbedreiwer matgedeelt: "Après 15 ans d'exploitation cinématographique dans un contexte souvent hostile, le circuit des cinémas a enfin pu signer une convention avec le Ministère de la Culture et le Centre National de l'Audiovisuel (CNA). Au moment où l'exploitation indépendante des cinémas luxembourgeois est mise en question, cet acte nous permet de maintenir notre engagement pour les cinémas régionaux du Luxembourg. Nous remercions la ministre Maggy Nagel pour son soutien."

Net verpassen

  • Offre d'emploi: Redakter/Redactrice Web

    radio 100,7

    Den Média de service public 100,7, deen de radio 100,7 bedreift, sicht en/eng neie/nei Redakter/Redactrice fir d'Onlineredaktioun mat engem Aarbechtskontrakt op onbestëmmten Dauer (CDI) fir 40 Stonnen d'Woch.

Programm

Dossieren

  • Chamberwalen 2023

    Am November gëtt zu Lëtzebuerg en neit Parlament gewielt. Kann d'Dräierkoalitioun vun der DP, LSAP an déi gréng weider d'Regierung stellen, oder gëtt et ee Regierungswiessel?

  • Hëtzt & Dréchent

    2022 ass bis elo vun héijen Temperaturen an extreemer Dréchent markéiert. Wéi eng Impakter huet dat op Mënsch an Ëmwelt?

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen