Fir de Finanzminister war de sougenannten Zukunftspak "indispensabel" fir d'Staatsfinanzen an de Grëff ze kréien. D'Spuer- a Steiermesuren, déi 2014 decidéiert goufen, sollen dem Pierre Gramegna no, wéi virgesinn integral ëmgesat ginn. De Pak wier gemaach ginn, fir iwwer dräi bis véier Joer ëmgesat ze ginn. An de Büt wier fir all Mesuren ëmzesetzen.
D'Ausso vum Vize-Premier a Wirtschaftsminister Etienne Schneider, datt den Zukunftspak e Fehler war, wollt de Pierre Gramegna op eis Nofro hinn net weider kommentéieren. Hien hätt doriwwer mam Etienne Schneider geschwat, an et géif eng plausibel Erklärung gi wéi déi Ausso ze verstoe wier, sou den DP-Finanzminister. Den Etienne Schneider selwer géif an den nächsten Deeg nach emol op d’Polemik zréck kommen.
Den Etienne Schneider hat d’lescht Woch an engem Interview mam Lëtzebuerger Wort gesot, datt ee mat de ville Spuermesuren aus dem Zukunftspak jiddereen am Land perséinlech onzefridde gemaach hätt. Amplaz hätt ee just d’Steiere sollen erhéijen.
Lauschtert de Finanzminister Pierre Gramegna um Mikro vum Pia Oppel: