Verfassungsreform Kee Wahlkampfthema

D’Parteien hunn sech keng konkret Gedanke gemaach, wéi d’Versprieche vu méi Biergerbedeelegung bei der Verfassungsreform effektiv kann agehale ginn. Dës Analyse maachen de Professer fir Verfassungsrecht op der Uni Lëtzebuerg Luc Heuschling an de Journalist vun der Zäitschrëft Forum Laurent Schmit.

Cover Oktober: Wahlen 2013

D’LSAP an déi Lénk fuerderen e Referendum iwwer verschidde kruzial Froe vun der Reform, och CSV-Kandidaten hunn sech fir dee Modell ausgeschwat. De Luc Heuschling weist drop hin, dass net kloer ass, wat geschitt wann eng einfach Majoritéit vun der Bevëlkerung sech beispillsweis fir d’Aféierung vum Auslännerwahlrecht ausschwätzt, mee an der Chamber net di néideg Zwee-Drëttel-Majoritéit zesumme kënnt: “Dat ass eng explosiv Fro mat där keng Partei sech ausenaner gesat huet!”

De Laurent Schmit as der Meenung, dass sech och bei engem Referendum iwwert de ganzen Text (wéi DP, déi Gréng an ADR e fuerderen) d’Fro stellt, wéi eng gesellschaftlech Debatt soll oflafen, nodeems elo Joeren hannert zouenen Dieren un der Reform geschafft ginn ass.

Anere Sujete vun der Emissioun, moderéiert vum Pia Oppel: d’Konfusioun ronderëm d’Chamberopléisung an d’Polemik ëm den deementspriechenden Avis vum Staatsrot.

An der Mediathéik:

Invité:e vum Dag / /
Lauschteren

Méi zum Thema

constitution 1868.jpg Dossier
1868-2018

D'Verfassung vun 1868 soll duerch eng nei Verfassung ersat ginn. 2009 gouf dëse Reformprozess formell lancéiert an nach ass d'Aarbecht net ofgeschloss. Et ass nach e Referendum iwwer den neien Text geplangt.

Net verpassen

Programm

Dossieren

  • Alles iwwer de Podcast Schlechte Schüler

    An eisem Dossier fannt dir sämtlech Episode vun eisem Podcast Schlechte Schüler, Interviewe mat Schoulexperten an déi komplett Transkripter vun den eenzelnen Episoden.

  • Chamberwalen 2023

    Den 8. Oktober gëtt zu Lëtzebuerg en neit Parlament gewielt. Kann d'Dräierkoalitioun vun der DP, LSAP an déi gréng weider d'Regierung stellen, oder gëtt et ee Regierungswiessel?

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen