Biotop
Den Eisléker Bësch aktiv (er)liewen
8 min
De Bësch ass en Ecosystem vun enormer Bedeitung. An a ronderëm den Naturschutzzentrum Burfelt kann een awer ee ganz speziellen Éisleker Bësch erliewen, an zwar d’Louheck.
Eng Louheck besteet aus Eechebeem, déi vu Mënschenhand virun iwwer 300 Joer geplanzt goufen. Haaptgrond heifir war, datt d’Leit d’Schuel (Lou) vun der Eech genotzt hunn, fir Lieder ze gierwen. Well déi Eechebeem a reegelméissegen Ofstänn (all 20-25 Joer) genotzt goufen, sinn ënnerschiddlech Entwécklungsstadien entstanen, déi doriwwer eraus dem Bëschhong an der Wëllkaz en ideale Liewensraum geliwwert hunn.
Duerch zilorientéiert Naturerfarung kommen d’Visiteuren um Burfelt an den enke Kontakt mat der Louheck.
Nieft där Joerhonnerten aler Bewirtschaftungsform erliewen an entdecke si nieft hirem historeschen an ekonomeschen Notzen och deen esou geschafene spezielle Bëschliewensraum.
Et ass derwäert sech Zäit ze huelen an esou mat an déi faszinéierend Welt vun der Louheck anzedauchen. Déi enorm Diversitéit, mee awer och déi vill Zesummenhäng tëschent Mënsch a Bësch iwwerraschen ëmmer erëm.
Mat Hëllef vun den naturpädagogeschen Aktivitéite kënne vill Geheimnisser am Bësch aktiv entdeckt ginn an esou déi vill Interaktioune besser verständlech gemaach ginn.
Mat Aktivitéite fir Schüler:innen esou wéi engem Joresprogramm fir de Grand public, ginn ënnerschiddlech Altersgruppen zum Theema ugesprach. Invité ass de Serge Hermes, Fierschter a Responsabelen am Centre nature et forêt Burfelt.
Presentéiert vum
- Angie Maquil
Episoden
Verschwannen d'Bestëbser?
Zanter Jore gëtt ee staarke Réckgang vun de Bestëbser-Insekten observéiert. Dat huet e puer Grënn: d’Flächeversigelung, den Asaz vu Pestiziden an d’Verschwanne vun den natierlechen Narungsquellen a Liewensraim vun de Wëllbeien oder Päiperleken.
Wat bedeit et wann e Beräich zum Naturschutzgebidd proclaméiert gëtt?
Op der Musel ginn et 4 interessant Naturschutzgebidder, de beschtbekannten ass de Biodiversum Camille Gira. Mee wat mécht dësen esou besonnesch?
Majiskraut - Léifstack (Liebstöckel, livèche, lovage)
En onkomplizéiert, romantescht Kraut, vun deem een alles vun der Planz dat ganzt Joer iwwer an der Kiche verwäerte kann.
Ouni Pestiziden - Eng Alternativ fir Mënsch an Natur
Zanter 15 Joer setzt sech déi national Campagne “Ouni Pestiziden” fir de Verzicht op Pestiziden an. Hire Message ass kloer: “Manner sprëtzen, méi naturno Alternativen”.
Eng gréng Terrass oder Balcon, déi och Insekte-frëndlech ass
Wéi ee mat einfachen Mëttelen de Balcon oder d’Terrass méi naturno an Insekte-frëndlech gestalte kann.
Den Eisléker Bësch aktiv (er)liewen
An a ronderëm den Naturschutzzentrum Burfelt kann een e ganz speziellen Eisléker Bësch erliewen, an zwar d’Louheck.
Net alles aus dem Baumarkt gehéiert an d‘Natur
Am Fréijoer, wann et mei waarm gëtt an déi éischt Blumme bléien, fänke vill Leit un am Gaart ze schaffen a kafen nei Planzen. Wie säi Gaart ekologesch wäertvoll gestalte wëllt, sollt op e puer Saachen oppassen.
Wisen a Weeden
Vum Hannergrond vun aktuellen Diskussiounen ëm d’Klima, proppert Waasser, Biodiversitéit oder Insektestierwen, kréien aarteräich Wisen a Weeden ëmmer méi Bedeitung.
Séisst Geméis
Bei Séissem aus dem Gaart denke mir fir d‘éischt un Uebst. Mee et gëtt och Geméis, dat séiss schmaacht an den Zockergehalt vun Uebst souguer iwwertrefft.
Sumpfdotterblummewiss a Planzegesellschaften
Flora a Fauna vu Sumpfdotterblummewisen
D'Villfalt vun de Biotopen
Biotopen am Naturschutzzentrum Mirador zu Stengefort
Naturpedagogik a "Léieren an der Natur"
Zwee interessant Projete vun natur&ëmwelt, déi sech virun allem un d‘Kanner adresséieren
Bierenuebst schneiden
Gutt geschnidden, bedeit eng gutt Rekolte
Wéi gesond sinn eis Fléissgewässer?
Explikatioune vum Tobias Mosthaf
De Naturschutzzentrum A Wiewesch
Den Naturschutzzentrum A Wiewesch vun der Naturverwaltung läit matzen am Duerf zu Manternach an engem eemolege Bauerenhaff.
2024 ass e wichtegt Joer fir den Natur- an Ëmweltsyndikat SIAS
1974 gegrënnt, feiert de Syndicat intercommunal de l'assainissement du bassin hydrographique de la Syre, 50 Joer.
Fro däi Coiffeur
Dee Projet vun der Ëmweltberodung Lëtzebuerg ASBL huet als But iwwer wichteg a sensibel Ëmwelttheemen ze sensibiliséieren, dat an engem Kader, dee jiddwerengem bekannt ass, de Coiffeurssalon.
Flosspartnerschaft Syr
D‘Flosspartnerschaft Syr ass en oppent Portal fir jiddwereen, deen am Anzuchsgebitt vun der Syr lieft a sech fir d‘Waasser asetze wëllt.
Séien an der Zär oder op der Fensterbänk
Aus Som seng eege Setzplanzen ziichte fir an de Gaart ass mat Aarbecht a Gedold verbonnen, mee, d‘Resultat rentéiert sech.
