No där Reunioun vun enger Dräivéierelsstonn sot de Georges Mischo, et wär him wichteg gewiescht, d’Direktioun ze héieren. Déi hätt de Moie virun allem hir ekonomesch Lag erkläert.
"Ech sinn am ganz enken Austausch elo mam Lex Delles, mam Ekonomiesminister, a mir wäerten dat doten elo an den nächste Comité de conjoncture huelen. An da kucke mer, wat dobäi erauskënnt."
An der Mëttesstonn gesinn d’Gewerkschaften dann nach emol d’Directioun vun Tarkett. D‘Gewerkschaften hate gëschter no enger éischter Reunioun kritiséiert, datt d‘Direktioun net bereet wier, fir iwwer een neie 'Plan de Maintien dans l’emploi' ze diskutéieren.
De Lëtzebuerger Grupp vum franséische Konzern hat d’lescht Woch annoncéiert, 126 Aarbechtsplaze wëllen ze sträichen, well eng Produktiounslinn am Wierk zu Lenzweiler bei Klierf Enn dës Joers gestoppt gëtt.