Et soll gepréift ginn, ob d‘US-Entreprise géint europäescht Recht verstouss huet, beim Kampf géint Desinformatioun. Et géif de Verdacht bestoen, datt Meta sech net un d‘Reegele gehalen hätt, an datt doduerch Russland an aner auslännesch Sourcen déi sozial Reseaue konnten notze fir Propaganda an der EU ze maachen.
D‘EU-Kommissiounspresidentin Ursula von der Leyen sot, et géif drëm goen, europäesch Bierger viru geziilter Desinformatioun a Manipulatioun duerch Drëttlänner ze schützen.