14.6. Unterrecht ausserhalb vum Klassesall

Posterframe Léieren dobaussen.png

Am Prinzip kann ee praktesch all Schoulfach och ausserhalb vum Klassesall léieren. Naturwëssenschafte souwisou, mee och Fächer wéi Mathe, Sproochen an anerer kënnen doduerch vermëttelt ginn, andeems een als Léierpersoun d'Ëmwelt virun der Dier an den Unterrecht mat abaut. Dat bedeit net zwangsleefeg, datt ee méi Ressourcë brauch. Awer natierlech verlaangt dat e bëssen eng aner Organisatioun vun der Léiergrupp. Doriwwer an iwwer eng ganz Rei vu flotte Projeten, déi am Kader vum Léieren dobaussen an deene leschte Joren am Schoulsystem entstane sinn, ginn an dësem Webinaire virgestallt, an deem interesséiert Enseignanten awer och gewuer ginn, wéi si Léieren dobausse kéinte gestalten.

Dräi Expertinnen an een Expert am Studio diskutéieren iwwer d'Méiglechkeeten, déi et fir en Unterrecht ausserhalb vum Klassesall ginn a wéi ee sech am beschten uleet, fir op dee Wee ze goen. Zousätzlech sinn an der Emissioun Analyse vun enger Rei Expert:innen zu verschiddene Facette vum Theema ze héieren.    

Invitéen am Studio sinn:  

- d'Andrea Fiedler, Erzéiungswëssenschaftlerin an am Konzeptteam vun der Initiativ Fuerschen Dobaussen  

- d'Véronique Kohnen, Enseignante am Zykel 3 an am Konzeptteam vun der Initiativ Fuerschen Dobaussen

- d'Renée Fretz, Enseignante am Zykel 1 zu Wolz  

- de Pit Mischo, Ex-Schoulmeeschter a Grënner vun der Naturschoul Lasauvage

Moderatioun: Christiane Kleer

Kuckt a lauschtert dee ganze Webinar.

Net verpassen

Dossieren

  • Dossier: Relatiounen tëscht Portugal a Lëtzebuerg

    Haut ass et den zweeten a leschten Dag vun der Staatsvisitt a Portugal. Eng grouss Lëtzebuerger Delegatioun ass den Ament zu Lissabon. An eisem Dossier fannt dir all eis Bäiträg an Artikelen iwwer d'Theema.

  • De Krich an der Ukrain

    De 24. Februar 2022 huet Russland d'Ukrain militäresch iwwerfall. Déi westlech Länner hu mat Sanktioune reagéiert, Millioune vu Leit sinn aus der Ukrain geflücht.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen