Triptyphon: dee leschten Episod vun der zweeter Staffel

trip.jpg

Triptyphon ass d'Resultat vun engem dräifachen artisteschen Experiment: e Kettebréif tëschent engem Auteur, engem Schauspiller an engem Museker. All Artist huet eng Carte Blanche.

Den 29.12. huet Iech dës Kollaboratioun tëschent dem KulturKanal an dem radio 100,7 um 13:15 dee véierten a leschten Episod vun der zweeter Staffel vun de Podcasten heem an d'Stuff bruecht: e Lauschterstéck vum Xavier de Sousa, gelies vun der Tara Jaffar a mat Musek vun der Florence Kraus.
Eng Mëschung aus Poesie an Narratioun, déi ëm Friemenhaass geet an d'Gefill dozou ze gehéieren, en Deel dovunner ze sinn. Se ass erzielt vun engem portugiseschen, homosexuellen Awunner, deen zu London duerch verschidden Erliefnesser a Fakte Friemenhaass erkläert an erlieft.

Lauschtert déi dräi éischt Podcaste vun der zweeter Staffel:
08.12. Claire Thill, Andrea Hall & Filip Markiewicz
15.12. Catherine Dauphin, Magalie Texeira, Sascha Ley
22.12. Fabienne Hollwege, Leila Schaus, Serge Tonnar

Triptyphon ass kreéiert vun der Larisa Faber a vum Luka Tonnar ofgemëscht. D'Illustratioune si vun der Julie Wagener. Produzéiert gëtt Triptyphon vu MASKéNADA an anonyma, a Kollaboratioun mam KUK an dem radio 100,7.

Programm

Net verpassen

  • Nei Serie: poesik

    jr-korpa-GQeSfSWmXvI-unsplash.jpg

    Dem Jean Portante seng nei Serie stellt Kompositiounen a Lidder vir, Wierder a Kläng, déi der Weltpoesie eng nei Dimensioun ginn a se dem Publikum méi no bruecht hunn.

Dossieren

  • CinEast-Festival 2020

    De CinEast-Festival weist eng Selektioun vu mëttel- an osteuropäesche Filmer. Déi 13. Editioun ass wéinst der Covid-Pandemie eng hybrid: d'Filmer gi souwuel um groussen Ecran wéi och online gewisen.

  • AutorInne-Lies

    D'Publikatioun PM 19 10 huet d'Valerija Berdi inspiréiert fir déi akustesch Athmospär fir d'Buch ze liwweren. Hatt huet sech dofir op de Wee gemaacht an eng ganz Rei Andréck bei Autorinnen an Auteuren doheem akustesch agefaangen.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen