Radioaktive Silvester mat Sensu, Gurl an Der Alte Jäger

Silvester Owend 2020

Zäit fir en Takeout vum 100,7: Op eiser Antenn bréngen dräi DJen dëse Silvester vun 20:00 un d'Clubatmosphär bei Iech heem. De Sensu, d'Gurl an Der Alte Jäger bidden Iech mat hire Sets jee eng Stonn vun hirem Feinsten, vun House iwwer Elektro bis Ambient. Live an ongeschnidden!

"Ech wollt de Verlaf vun engem richtege Party-Owend nomaachen: Opwiermphas, Haaptdeel mat verrécktem Pop, a Cool-Down mat Ambient", verréit eis de Sensu iwwer säi Set. D'Gurl spillt eng Ofwandlung vun engem Mix, dee si fir e Bréisseler Radio opgeluecht hat, a vun deem si ëmmer fonnt huet, e wier net fäerdeg. Der Alte Jäger presentéiert als drëtten am Bond klasseschen House.

Lauschtert hei dem Marc Clement seng Gespréicher mat deenen dräi Plackenakrobaten.

Um Silvester-Owend vun 20:00 u kënnt Dir dann déi dräi DJ-Sets bei eis op der Antenn materliewen.

Programm

Net verpassen

  • Nei Serie: poesik

    jr-korpa-GQeSfSWmXvI-unsplash.jpg

    Dem Jean Portante seng nei Serie stellt Kompositiounen a Lidder vir, Wierder a Kläng, déi der Weltpoesie eng nei Dimensioun ginn a se dem Publikum méi no bruecht hunn.

Liveticker
Abonéiert eis Newsletter

Dossieren

  • CinEast-Festival 2020

    De CinEast-Festival weist eng Selektioun vu mëttel- an osteuropäesche Filmer. Déi 13. Editioun ass wéinst der Covid-Pandemie eng hybrid: d'Filmer gi souwuel um groussen Ecran wéi och online gewisen.

  • AutorInne-Lies

    D'Publikatioun PM 19 10 huet d'Valerija Berdi inspiréiert fir déi akustesch Athmospär fir d'Buch ze liwweren. Hatt huet sech dofir op de Wee gemaacht an eng ganz Rei Andréck bei Autorinnen an Auteuren doheem akustesch agefaangen.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen