Dëse Samschdeg ass et souwäit! De Koll an Aktioun geet "On Air" iwwer d'Bün. Et geet net drëms fir just e weidere Live-Stream iwwer déi sozial Medien ze schécken. D'Zil ass et fir Iech doheem eng richteg Festival-Experienz ze offréieren. Op der Affiche sinn:
D'Indie-Rock Formatioun TUYS, déi sech dëst Joer mat enger Serie vu Singelen amgaang sinn nei ze erfannen
Déi jonk Sängerin AEM, déi mat hirem intimisteschen an engagéierten Elektro Pop drop waart fir d'Häerzer vum Publikum un d'Schmëlzen ze bréngen
De Mambo Schinki, deen Iech mat senger Weltraumuergel virum Radio wäert un d'Danze bréngen
En DJ Set mat dubbege Kläng vum Public Service Soundsystem
Rendez-vous ass dëse Samschdeg, vu moies un op de soziale Medien, a vu 14:00 bis 18:00 och um radio 100,7.