HéLéLa

HéLéLa

Den Numm vun der neier Kanneremissioun um radio 100,7 HéLéLa setzt sech zesummen aus Héieren-Léieren-Lauschteren", an deen Numm ass dann och Programm:
All Samschdeg um 13:00 spannend Experimenter, wëssenschaftlech Decouverten, Noriichten, Lauschterstécker a Geschichten, esou wéi Iddie fir eppes ze ënnerhuelen. Awer och déi Grouss hunn eppes fir nozelauschteren.

Mir offréieren de Kanner bis +/- 12 Joer Theemen aus ville verschiddene Beräicher: der Kultur, der Aktualitéit, den Naturwëssenschaften, bei deenen een eppes Neies héiert, dat Ganzt verbonne mat flotter Musek.

Partner vun HéLéLa sinn de SCRIPT a verschidde Muséeën. De Mister Science mat sengen Experimenter huet och eng fest Plaz. D'100,7-Noriichteredaktioun beäntwert allkéiers op eng kannergerecht Manéier eng Fro vun engem Kand zur Aktualitéit. 

An der éischter Emissioun dëse Samschdeg um 13:00 ass direkt de Mister Science mat engem spektakulären Experiment derbäi, an zwar mat engem Eemer mat Waasser, wou d'Waasser awer net erausleeft, wann den Eemer op der Kopp ass. Am Rendez-vous mat der Noriichteredaktioun geet et ëm méiglecht Liewen um Planéit Venus. A mir ginn an d'Weltkulturierwe Völklinger Hütte, wou dëse Sonndeg de Weltkannerdag gefeiert gëtt.

HéLéLa: deen neie Rendez-vous fir Kanner a Jugendlecher tëschent 8 an 12 Joer um radio 100,7 samschdes um 13:00.

Programm

  • Vu 6 bis 10

  • On air

    Vun 10 bis 2

  • Resonanzen

  • Vun 3 bis 6

  • Tockcity

Net verpassen

  • Offre d'emploi: 1 responsable ressources humaines (m/f)

    HR Human Resources

    L'Etablissement de Radiodiffusion Socioculturelle recherche 1 responsable ressources humaines (m/f) sous contrat à durée déterminée en vue du remplacement d'un congé de maternité et d'un congé parental à temps plein.

Dossieren

  • CinEast-Festival 2020

    De CinEast-Festival weist eng Selektioun vu mëttel- an osteuropäesche Filmer. Déi 13. Editioun ass wéinst der Covid-Pandemie eng hybrid: d'Filmer gi souwuel um groussen Ecran wéi och online gewisen.

  • AutorInne-Lies

    D'Publikatioun PM 19 10 huet d'Valerija Berdi inspiréiert fir déi akustesch Athmospär fir d'Buch ze liwweren. Hatt huet sech dofir op de Wee gemaacht an eng ganz Rei Andréck bei Autorinnen an Auteuren doheem akustesch agefaangen.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen