De SCRIPT an de radio 100,7 setzen hir flott Zesummenaarbecht fort

radio 100,7.jpg

Zanter dem Fréijoer 2020 schaffen de SCRIPT an de radio 100,7 bei verschiddenen Emissiounsformater enk zesummen.

Zum enge bei der Kanneremissioun Héiere - Léiere - Lauschteren (Héléla), déi  ëmmer samschdes vun 13.00 bis 14.00 Auer diffuséiert gëtt. Zum aneren hunn de SCRIPT  an de radio 100,7 eng Rei vu fachspezifesche Webinairen organiséiert.

No enger Evaluatioun koume béid Partner zur Conclusioun, datt dës flott Collaboratioun eng Plus-Value fir all Bedeelegt a fir de Public duerstellt a si hunn deemno decidéiert, hir Zesummenaarbecht weiderzeféieren.

Vun der Schoulrentrée 2021-2022 u geet et also den 18. September weider mat de Bäiträg vun der Emissioun Héléla.

De Format vun de Webinairë geet de 26. Oktober an eng nei Ronn mat enger Emissioun iwwer Defiziter beim Oppassen/Hyperaktivitéit, déi zesumme mam Centre pour le développement des apprentissages Grande-Duchesse Maria Teresa a mam Service de consultation et d'aide pour troubles de l'attention, de la perception et du développement psychomoteur (SCAP) organiséiert gëtt.

  • Ënner dësem Link fannt Dir all Héléla-Emissiounen, déi bis elo diffuséiert goufen.  
  • Ënner dësem Link fannt Dir d'Linken op all SCRIPT/100,7-Webinairen, déi bis elo iwwer d'Antenn gaange sinn.

Net verpassen

  • Offre d'emploi: Programmchef/fin

    radio 100,7

    Den Etablissement de Radiodiffusion Socioculturelle, deen de radio 100,7 bedreift, sicht en/eng neie/nei Programmchef/fin mat engem Aarbechtsvertrag op onbestëmmten Dauer (CDI) fir 40 Stonnen d'Woch.

Programm

Dossieren

  • CinÉast 2021

    Et ass déi véierzéngt Editioun vum CinÉast Filmfestival. Vum 7. bis de 24. Oktober ginn Featuren a Kuerzfilmer aus Länner aus Mëttel- an Osteuropa gewisen. Siwe Filmer sinn an der Kompetitioun.

  • Bundestagswal 2021

    Däitschland wielt de Samschdeg, 26. September en neie Bundestag. Wat sinn d'Enjeuen, wie gëtt Kanzler oder Kanzlerin, wéi verleeft d'Wahlkampagne. An eisem Dossier zum Theema Bundestagswal gidd Dir alles gewuer.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen