De Kino um radio 100,7

Kino unsplash.jpg

Filmer, genee wéi och déi national an international Kinosaktualitéit, sinn e feste Bestanddeel vun der kultureller Offer, déi de radio 100,7 all Woch proposéiert.
Nieft dem Ausbléck op déi nei Filmer vun der Woch, deen Dir mëttwochs um 9:45 Auer héiert, proposéiert d'Kinosekipp vum Radio Iech och reegelméisseg Kriticken iwwer nei Filmer, déi ulafen.

De grousse Rendez-vous mam "septième art" ass awer all Samschdeg tëschent 11:00 an 12:00 an eiser Emissioun Grousse Kino, mat Reportagen, Hannergrënn an detailléierten a fundéierte Kriticke vun dräi Filmer, déi nei an de Kinossäll vum Land ze gesi sinn.

Nieft dëser Emissioun proposéiert d'radio 100,7-Filmkritikerin Martine Reuter Iech bis Dezember eng Rees duerch d'Geschicht vum Kino. An der Serie 125 Joer Kino freides um 13:15 ginn a 14 verschiddenen Episoden, ënner anerem déi technesch Entwécklung: Stomm-, Toun- a Faarffilm bis bei de Cinemascope-Format an den 3D thematiséiert. Analyséiert ginn och d'Filmsprooch, den ekonomesche Rôle vun de Filmproduktiounen an natierlech déi ënnerschiddlech Tendenzen a verschiddene Länner an et gëtt e Bléck an d'Zukunft vun der 7. Konscht geworf.

De Fundus vun der Stater Cinémathéik ass enorm, an ëmmer nees sti scho bal vergiesse Bijouen aus 125 Joer Filmgeschicht op der Affiche vun dësem spezielle Kino. All zweete Samschdeg um 09:40 kuckt de Mohamed Hamdi iwwer de Programm vun der Cinémathéik a pickt ee Klassiker eraus, iwwer deen Dir hei op der Antenn méi gewuer gitt.

Am Oktober suivéiert de radio 100,7 och de Festival CinEast, dee vum 8. bis de 25. Oktober déi filmesch Produktioun aus Mëttel- an Osteuropa an de Fokus vun der Kinosaktualitéit zu Lëtzebuerg réckelt.

De Kino um radio 100,7 - fir alles ze gesinn, wat ee muss kucke goen.

Programm

Net verpassen

Dossieren

  • CinEast-Festival 2020

    De CinEast-Festival weist eng Selektioun vu mëttel- an osteuropäesche Filmer. Déi 13. Editioun ass wéinst der Covid-Pandemie eng hybrid: d'Filmer gi souwuel um groussen Ecran wéi och online gewisen.

  • AutorInne-Lies

    D'Publikatioun PM 19 10 huet d'Valerija Berdi inspiréiert fir déi akustesch Athmospär fir d'Buch ze liwweren. Hatt huet sech dofir op de Wee gemaacht an eng ganz Rei Andréck bei Autorinnen an Auteuren doheem akustesch agefaangen.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen