Dat perfekt Grillfeier, Kraider a Cats
Eng donkelrout Glous muss et sinn
Heiansdo hunn ech de Grill scho mat alle Wierder déi ech kennen, Schëmmel a Bless vernannt, well ech dat Feier net ukritt hunn. Dofir hunn ech mech haut mat dëse Froe beschäftegt: Wéi maachen ech Feier am grill? Wéi kréien ech déi beschte Glous? A wat ass déi gutt Manéier fir d'Feier unzefänken?
Wa se muerges fësche ginn
De Léon Moulin séngt an dësem Lidd iwwer d'Freed an d'Begeeschterung um Fëschen an un der Natur. Den Zuch geholl, Mierscher Dall, Ettelbréck, Méchela, Gëbbelsmillen, Kautebaach, dertëscht e bësselche Gefachsimpels iwwer déi richteg Staang an déi beschte Méck an da beim Ukomme schonn ze vill Undrang. Alles dat ass d'Fëscherlidd.
Koriander a Wasabi
Kraider sinn d'Blieder, bei Gewierzer schwätze mer vun der Fruucht, der Wuerzel, dem Kär, oder der Schuel vun der Planz. An deem Sënn ass Koriander interessant, well en esouwuel e Kraut wéi e Gewierz ass an och nach asiatesche Péiterséileg genannt gëtt. E ka praktesch iwwerall verschafft ginn. Koriander a Wasabi ginn haut vun der Dieteticienne Lis Muller ënner d'Lupp geholl.
Professer fir Solfège, Piano, Uergel an Harmonie
Duerch dem Pierre Drauth seng Klasse sinn eng Rei Schüler gaangen, déi eng professionell Karriär an der Musek ageschloen hunn. De Prof. Drauth verzielt iwwer säi Liewe mat der Musek, wéi och iwwer säi Kontakt als Organist mat der international unerkannter Virtuosin op der Uergel, der Jeanne Demessieux
D'Kaze vum Broadway
Et ass schonn aussergewéinlech, datt een Hausdéieren als Haaptpersonnage vun engem Musical auswielt. Mee bei "Cats" geet et net ëm Hauskazen, mee ëm Stroossekazen, déi dobausse liewen, allerdéngs awer vill mënschlech Eegenschaften opweisen. Verschidde Melodië vum Andrew Lloyd Webber sengem "Cats" si ganz bekannt.
