Elo ginn déi Ausgabe bis 2029 all Joer ëm 0,1 Prozentpunkt an d’Luucht, soudatt d’Zil vun 3,5 Prozent elo eréischt 2041 - also 6 Joer méi spéit - géif erreecht ginn.
D’Defenseministesch Backes huet op déi sougenannt "mid term review" vun der NATO, souzesoen d’Halbzäitiwwerpréifung, am Joer 2029 verwisen. Et hofft ee bis dohin op eng Verbesserung vun der Situatioun.
D'Trajectoire soll net nëmmen der militärescher Kapazitéit vu Lëtzebuerg ze gutt kommen, mee och dem Weltraum- oder Cyberberäich. Dat och an der Fuerschung. Iwwerdeems soll déi ukrainesch Defense domat weider ënnerstëtzt ginn.
