De Mann koum séier mat enger Ambulanz an d'Spidol, heescht et a verschiddene Medien. Hie stoung viru Geriicht, well hien am November 2022 zu Péiteng säin 29 Joer ale Jong mat engem Messer verwonnt hat, deen ass duerno gestuerwen. D'Urteel an der Affär ass fir den 3. Abrëll.
An enger anerer Affär awer gouf schonn d'Urteel geschwat. Ugeklot war hei e Jong, dee säi Papp am Dezember 2022 zu Esch erwiergt huet. Et war kee Mord, keng Dot mat Virsaz also, dat ass d'Urteel vum Gericht. Den Ugeklote krut 30 Joer Prisong. D'Riichtere sinn domat ënner der Fuerderung vum Vertrieder vum Parquet bliwwen. Deen hat am Prozess liewenslängleche Prisong fir den Adoptivjong vun haut 36 Joer gefuerdert.
