Hien ass ugeklot wéinst presuméierter sexueller Aggressioun géint zwou Frae wärend dem Tournage vun engem Film am September 2021. Dat huet de Parquet vu Paräis gëschter annoncéiert. De Gérard Depardieu war gëschter de ganzen Dag ënner Garde a vue placéiert ginn.
Zanter 2020 leeft géint hien och eng Enquête wéinst presuméierter Vergewaltegung vun enger Schauspillerin. Ob et och an dësem Fall zu engem Prozess kënnt ass nach onkloer.
