13.9. Rentrée um radio 100,7

radio 100,7.jpg

E Programm, mat deem mir Iech inspiréiere wëllen, erwaart Iech nees fir d'Rentrée um radio 100,7. Vun e Méindeg, 13. September u presentéiere mir Iech vill nei Sujeten an Theemen a ganz verschiddene Formater, mat de Schwéierpunkte Kultur, Musek an Aktualitéit. 


Nieft dem wichtegen Aktualitéitsinterview an der Woch um 07:30 mat eisem Invité vum Dag, dee vum Maurice Molitor oder dem Rick Mertens op den Zand gefillt kritt, héiert Dir all Dag vun 10 bis 11 déi nei Emissioun Sot emol, mat am Fokus eng markant Persoun. An engem direkten an onkomplizéierte Gespréich léiert Dir eis Gäscht aus enger anerer Perspektiv kennen: Mat hinne schwätze mir iwwer hir Erliefnesser, Interessen a Passiounen. Loosst Iech iwwerraschen, wann d'Natasha Ehrmann an de Jean-Claude Majerus dagdeeglech, ëmmer nees nofroen:
"Sot emol, Här ... oder Sot emol, Madamm ...!"

Natasha Ehrmann a Jean Claude Majerus


Wie verstoppt sech hanner deene Stëmmen, déi Iech all Dag duerch eise Programm begleeden?

An der Emissioun Virum Dag vu 6 bis 10 ass et déi onverkennbar Moiesstëmm vum Simon Larosche.

No der Emissioun Sot emol iwwerhëlt eng weider markant Stëmm: Iwwer Mëtteg vun 11 bis 2 mam Angie Maquil.

Angie Maquil a Simon Larosche


Am Nomëtteg vun 3 bis 6 iwwerschreift sech déi lescht Animatiounstranche, mam Pit Walté oder, ganz nei, dem Marlène Clement.

Pit Walté a Marlène Clement


Déi ganz Ekipp vum radio 100,7 wënscht sengen Nolauschterer eng spannend an iwwerraschend Rentrée an déi nei Saison 2021/22.

Net verpassen

  • Offre d'emploi: Journaliste-présentateur/trice

    radio 100,7

    L'Établissement de Radiodiffusion Socioculturelle, opérateur de la radio de service public radio 100,7, recherche Un/e Journaliste-présentateur/trice sous contrat à durée indéterminée et à tâche complète (40h/semaine).

Programm

Dossieren

  • Olympesch Spiller 2021

    D'Olympesch Spiller fannen, mat enger Joer Verspéidung, tëscht dem 23. Juni bis den 8. August zu Tokyo statt. Fir eis op der Plaz ass eise Korrespondent Philip Crowther.

  • Déi national Anti-Krise-Pläng an der EU

    Wat maachen d'Länner mat den Suen, déi hinnen aus dem Europäeschen Fonds de Relance zoustinn? An eiser Rubrik Europa Aktuell huele mer déi national Pläng ënner d'Lupe.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen