Natur Wat géif e Retour vum Wollef fir d'Biodiversitéit bedeiten?

Wann de Wollef géif zeréck op Lëtzebuerg kommen, wier dat eng gutt Neiegkeet fir d'Bëscher an d'Biodiversitéit, ënnersträicht de Laurent Schley vun der Naturverwaltung. Hien erkläert och e puer Reegelen, wéi ee sech bei enger Renconter mat engem Wollef verhale sollt - och wann dëst extrem onwarscheinlech wier.

Pit Beffort / sam

Wollef
Foto vun engem Wollef. Foto: Nadege / Bigstock

Lauschteren


D'natierlecht Gläichgewiicht zu Lëtzebuerg ass ënner anerem duerch d'Ausrotte vum Wollef als grousse prédateur verluer gaangen.

Retour wier positiv fir den Equiliber an de Bëscher

E Retour vum Wollef kéint zu Lëtzebuerg, wéi an aneren europäesche Länner dozou bäidroen, dat natierlecht Gläichgewiicht erëm hierzestellen, esou de Laurent Schley vun der Naturverwaltung.

An anere Länner ewéi zum Beispill an der Schwäiz, wou de Wollef an och de Lux erëm fest installéiert sinn, hätt ee festgestallt, datt d'Naturverjüngung vun de Bëscher erëm wesentlech besser wiisst:

"Dat heescht, datt d'Bëscher sech erëm natierlech kënne verjüngen an dat ass natierlech fir d'Bëscher an och fir d'Biodiversitéit, déi ganz Aartevillfalt, déi an de Bëscher lieft a vun engem natierleche Bësch ofhängeg ass, extrem wichteg an extrem positiv."

Renconter a fräier Natur "extrem onwarscheinlech"

Angscht virum Wollef bräicht awer keen ze hunn. E Wollef an der fräier Natur ze gesi wier extrem onwarscheinlech, well Wëllef tendenziell schei Déiere sinn, déi sech zeréck zéie wa si ee Mënsch gesinn, esou de Laurent Schley.

Wann een awer engem Wollef sollt begéinen, ginn et e puer Reegelen, un déi ee sech sollt halen, erkläert de Laurent Schley:

"Da soll een op jidder Fall Mol op sech opmierksam maachen andeem een haart schwätzt, ouni grouss Panik einfach haart schwätzt, sech grouss maachen, d'Äerm héich maachen, de Wollef am Ae behalen. Net fortlafen, dat geet meeschtens schonn duer, wann een de Wollef op sech opmierksam mécht, datt deen dann sech dovu mécht."

Et wier dann och wichteg, datt een net probéiert, de Wollef ze fidderen. Dat kéint dozou féieren, datt de Wollef manner schei gëtt a sech am Laf vun der Zäit ëmmer méi no un d'Mënschen erun traut.

Méi zum Thema

De Wollef kënnt an Europa zeréck
Naturschutz

De Wollef ass zeréck an huet sech an Europa niddergelooss. Fir déi eng ass dat eng gutt, fir déi aner eng schlecht Nouvelle.Hie genéisst zwar en héije Schutz, ass awer net iwwerall wëllkomm.

Tatjana Schneider
Natur

Seit Anfang April ist es ganz sicher: Das Tier, das im Februar dieses Jahres ein Schaf in Fouren gerissen hat, war ein Wolf. Die Menschen haben Angst vorm Wolf. Doch wie gefährlich sind Wölfe wirklich?

Net verpassen

Programm

Dossieren

  • Alles iwwer de Podcast Schlechte Schüler

    An eisem Dossier fannt dir sämtlech Episode vun eisem Podcast Schlechte Schüler, Interviewe mat Schoulexperten an déi komplett Transkripter vun den eenzelnen Episoden.

  • Chamberwalen 2023

    Den 8. Oktober gëtt zu Lëtzebuerg en neit Parlament gewielt. Kann d'Dräierkoalitioun vun der DP, LSAP an déi gréng weider d'Regierung stellen, oder gëtt et ee Regierungswiessel?

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen