Sot emol "Loost Iech einfach verzauberen"

Dem Jay Witlox seng Spezialitéiten als Zauberer sinn d'Close-Up-Zauberei an d'Ilusiounen - Grouss Illusiounen, déi d'Zuschauer mat op engem Rees huelen. Mee beim Close Up, do steet ee ganz no beim Spectateurs an do heescht et assuréieren.

Jean Claude Majerus

Jay Witlox

Bei sengem Debut war den Jay Witlox natierlech fir de Close-Up nervös, mee mat der Zäit leet dat sech. Wat awer bleift datt de Spectateur onbedéngt wëllt erausfannen, wéi den Zauberer dat mécht, an e kuckt ganz konzentréiert op d'Fangeren, mee et geschitt awer.

"Well et op där anerer Säit geschitt, net do wou s du hikucks. Dat ass jo och eise Beruff, dat heescht mer mussen alles am A behalen. Normalerweis geschitt et net do hikucks, mee op der anerer Säit. Natierlech ass och ganz vill Psychologie derbäi, ech weess ganz genee, wéi een Ament ech ka mäi "Move" maachen, an ech muss d'Leit och am A behalen."

Bei der Zauberei ass et wéi beim Piano

Als Zauberer muss ee reegelméisseg a seriö trainéieren. Wéi laang ee bei engem neie Trick trainéiere muss, hänkt dovun of. Et gi sougenannte "Basics Moves", wou een iergendwann intus huet, a mat deenen "Basics Moves" kann ee scho vill maachen.

"Et ass e bëssen wéi wann ee Piano léiert. Um Ufank léiert een Nouten, Solfège an esou Saachen, an da geet een eréischt op de Piano an da léiers de do spillen. Herno spills du dann einfach blann drop hin a ganz dech ameséieren. Bei Close-Up ass et d'selwecht, dee Moment, wou ech meng Moves trainéiert hunn da kann ech mech op den Zuschauer aloossen."

"Mäi Grousspapp huet mer d'Zauberei gewisen"

Dem Jay Witlox säi Grousspapp huet selwer gezaubert, fir d'Famill, fir Kolleegen, an de jonken Jay huet mat sechs Joer seng éischt Zauberkëscht kritt, an e konnt do mam Grousspapp zesummen d'Zauberei entdecken. An en huet de Grousspapp säi Material doheem als Erënnerung an enger Vitrinn stoen.

"Dunn hunn ech dat awer ganz laang op der Säit gelooss, well et mech net méi intresséiert huet, an ech sinn op Fotographie eriwwer gaangen. An iergendwann hunn ech op enger Bank geschafft an do war de President vum Magica-Club Lëtzebuerg och op der Bank. An hien huet an der Mëttesstonn Zaubercourse ginn. Allez, ech ginn eng Kéier kucken a vun do un sinn ech nees komplett dra gefall, an dat sinn praktesch 21 Joer hir."

An der Mediathéik:

Sot emol / / Jean Claude Majerus
Lauschteren

Méi zum Thema

Ingo Schandeler
Sot emol

Den Ingo Schandeler ass Ingenieur an huet als Enseignant ënner anerem op der Uni Lëtzebuerg geschafft. Mee eng Passioun, déi en zanter senger Kannerzäit huet, ass d'Konscht a besonnesch d'Molerei.

Ernie Hammes
SOT EMOL

Fréi schonn hat den Ernie Hammes sech an de Kapp gesat an d'Militärmusek ze goen. Fir dat Zil ze erreechen huet hien och déi néideg Demarchë gemaach. Seng Villsäitegkeet huet him a senger Karriär immens gehollef.

 

Net verpassen

Programm

  • Resonanzen

  • On air

    Am Nomëtteg vun 3 bis 6

  • Panorama

  • Tockcity

  • The Benny Brown Show

Dossieren

  • Klimakonferenz zu Glasgow

    Déi gréissten Weltklimakonferenz zanter Paräis fënnt tëscht dem 31. Oktober an 12. November zu Glasgow statt. Fir eis op der Plaz ass eise Korrespondent Philip Crowther.

  • Verfassungsreform

    D'Verfassung vun 1868 soll duerch eng nei Verfassung ersat ginn. 2009 gouf dëse Reformprozess formell lancéiert an nach ass d'Aarbecht net ofgeschloss. Et ass nach e Referendum iwwer den neien Text geplangt.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen