Ernärung Faites le bon choix

D'Fondation Cancer huet an hirer neier Campagne op d'Wichtegkeet vun der richteger Ernärung opmierksam gemaach. Mat enger gesonder Ernärung kann de Kriibsrisiko miniméiert ginn.

Pit Walté / cbi

Iessen
Foto: Bigstock / alexraths

D'Iwwergewiicht wier déi zweetheefegst Ursaach fir Kriibs, esou d'Lucienne Thommes, Directrice vun der Fondation Cancer. Dofir wier eng gesond Ernärung wichteg; mat vill Uebst a Geméis.

Fäerdeg Produiten, Chipsen a Fast Food hätte vill Kalorien, Zocker a Fett, domadder kéint ee säi Gewiicht net halen. Produite mat preparéiertem Fleesch oder och ze vill rout Fleesch géife vu sech aus schonn de Risiko fir Daarmkriibs erhéijen.

Der Fondation Cancer ass et wichteg mat der Campagne "Faites le bon choix" oder "Entscheide dich richtig", drop opmierksam ze maachen, datt net nëmmen d'Fëmmen, mee och d'Ernärung wichteg bei der Kriibspreventioun ass. Et hätt een de Choix, wat een ësst, esou d'Lucienne Thommes.

"Ech menge wann ee Proteinne brauch, kann ee Fleesch iessen, mee et muss een awer net Fleesch iessen. Ech mengen et kann een dofir och Vollkar-Produiten iessen, et kann ee Fësch oder Eeër iessen. Esou wéi mer och drop sensibiliséieren, datt ee soll evitéiere gezéckert Gedrénks ze huelen, well et kann een och einfach Waasser drénken. Et gi gesond Alternativen."

Op entscheidedichrichtig.lu kann een am Kader vun der Campagne en Test maachen an do seng Kenntnisser zum gesonden Iessen ënner Beweis stellen.

An der Mediathéik:

Magasinn / / Pit Walté
Lauschteren

Méi zum Thema

Anne Goeres
Kriibs bei Kanner

Bei der Fondatioun Kriibskrank Kanner komme pro Joer 30 bis 35 nei Fäll vu Kannerkriibs dobäi. D'Direktesch Anne Goeres bedauert, datt kaum nei Medikamenter fir Kanner mat Kriibs entwéckelt ginn.

Net verpassen

Dossieren

  • CinEast-Festival 2020

    De CinEast-Festival weist eng Selektioun vu mëttel- an osteuropäesche Filmer. Déi 13. Editioun ass wéinst der Covid-Pandemie eng hybrid: d'Filmer gi souwuel um groussen Ecran wéi och online gewisen.

  • AutorInne-Lies

    D'Publikatioun PM 19 10 huet d'Valerija Berdi inspiréiert fir déi akustesch Athmospär fir d'Buch ze liwweren. Hatt huet sech dofir op de Wee gemaacht an eng ganz Rei Andréck bei Autorinnen an Auteuren doheem akustesch agefaangen.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen