SOT EMOL "Ech ginn an d'Militärmusek"

Mat 14-15 Joer hat den Ernie Hammes sech an de Kapp gesat an d'Militärmusek ze goen. Fir dat Zil ze erreechen huet hien och déi néideg Demarchë gemaach mat all de Coursen am Conservatoire an de Präisser déi e gebraucht huet.

Jean-Claude Majerus / cz

Ernie Hammes

D'Militärmusek war de Wonsch vum Ernie Hammes, mee ob dat och eppes gëtt dat ass eng aner Saach. Well virun allem muss emol eng Plaz fräi sinn an der Militärmusek.

"A mengem Fall ware mer effektiv zu 5-6 Kandidaten fir vir ze spillen a se hunn der zwee geholl. Dat heescht déi aner Véier wollten och an d'Militärmusek. Mee gutt, datt eben näischt ginn. Fir mech gouf et och just dat, do huet nach kee vun OPL geschwat, oder ech ginn op New York oder ech ginn internationale Solist. Fir mech war et ëmmer d'Militärmusek."

D'Stäerkt ass a war d'Villsäitegkeet

Ebe genee d'Villsäitegkeet huet de groussen Orchesterchef Maynard Ferguson beim Ernie Hammes betount. Den Ernie Hammes deen duerch seng Formatioun och an anerer Genrë wéi zum Beispill der Klassik doheem ass. An dat huet de Ferguson bei Concerten och agesat.

"En huet ëmmer all Owend e Medley gespillt, mat senge ganz groussen Hits, an iergendwann huet e gesot: Maach du och eppes Klassesches, do hu mer dat och mat agebaut an en huet sech all Kéiers freckt gelaacht, wann ech da mat mengem Zongeschlag ugefaangen hunn wat si jo am Fong net kennen."

Den Trompettist stoung mat ville grousse Museker op der Bün

Vill Leit denke beim Ernie Hammes just un déi Zesummenaarbecht mam Maynard Ferguson. Mee de Museker huet awer nach weider Erfarungen mat aneren Orchesteren, wou de Numm grad esou bedeitend war, gemaach.

"Dizzy Gillespie-Band natierlech ouni Dizzy, dee war do schonn eng Zäitchen dout, oder Duke Ellington, de Paul Anka zum Beispill, wat elo e ganz anerer Genre war, méi Pop-Swing oder Pop-Jazz. Déi Erfarungen ware genau sou flott, et ass ebe manner gewosst."

Dëst ënnersträicht dann och dem Ernie Hammes seng Denkweis:

"Net bei enger Band hänke bleiwen, ëmmer kucken fir virun ze kommen, fir Ofwiesslung ze hunn. Well ech wier elo kee gewiescht, och wann ech zu New York bliwwe wier no menge Studien, fir do, wann ech dann d'Chance hätt, an engem Musical ënner ze kommen, Cats oder wéi se all geheescht hunn. Fir do all Owend dee selwechten Musical, déi selwecht Nouten ze spillen. Dat war fir mech keng Alternativ."

En neien Album "Evolutioun" mat engem neie Volet

Den neien Album läit dem Ernie Hammes besonnesch um Häerz well en e bësse méi roueg ass, sou wéi hien selwer als Mënsch och méi roueg ginn ass, seet den Ernie Hammes. An dofir huet e sech fir dësem Album och vill Zäit gelooss.

"Den neie Volet ass datt ech e ganze Sträicherensembel mat bäigeholl hunn, fir dat Ganzt eben e bëssen erof ze kréien. An dat war schonn e klengen Challenge fir mech an dat ass Geschicht hannendrun."

An der Mediathéik:

Sot emol / / Jean Claude Majerus
Lauschteren

Méi zum Thema

Pierre Nimax Senior
Klassesch Musek

Komponist, Pianist, Sänger an Dirigent: de Pierre Nimax ass Museker duerch an duerch. Bekannt ginn ass hie virun allem als laangjärege Chef vun der Militärmusek. Haut feiert hie säin 90. Gebuertsdag.

Dr. Jean-Claude Schmit
Lutte géint de Virus

Wéinst der héijer Zuel un neie Covid-19-Infektiounen hei zu Lëtzebuerg muss d'Cellule, déi sech ëm den Traçage vu Kontaktpersoune këmmert, opgestockt ginn. Iwwer 100 Persoune sinn elo nees am Asaz, ënner anerem och vun der Militärmusek.

Jean-Claude Braun - Militärmusek
175 Joer Militärmusek

Dëst Joer feiert d'Lëtzebuerger Militärmusek hir 175 Joer. Mee firwat brauch d'Arméi iwwerhaapt en Orchester? A wat fir ee Stellewäert huet d'Militärmusek zu Lëtzebuerg? Ee Bléck hannert d'Kulissen.

 

Net verpassen

Programm

  • Resonanzen

  • On air

    Am Nomëtteg vun 3 bis 6

  • Panorama

  • Tockcity

  • The Benny Brown Show

Dossieren

  • Klimakonferenz zu Glasgow

    Déi gréissten Weltklimakonferenz zanter Paräis fënnt tëscht dem 31. Oktober an 12. November zu Glasgow statt. Fir eis op der Plaz ass eise Korrespondent Philip Crowther.

  • Verfassungsreform

    D'Verfassung vun 1868 soll duerch eng nei Verfassung ersat ginn. 2009 gouf dëse Reformprozess formell lancéiert an nach ass d'Aarbecht net ofgeschloss. Et ass nach e Referendum iwwer den neien Text geplangt.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen