Sot emol Anna Mathieu: Déi richteg Wierder fannen

Wann e Mënsch stierft, ass dat ëmmer e grousse Verloscht. Virun allem ass et schwéier, fir Gefiller auszedrécken. D'Anna Mathieu huet sech dat zu Häerz geholl a probéiert eben déi richteg Wierder an esou Situatiounen ze fannen.

Jean Claude Majerus

Anna Mathieu

Am Däitsche geet vun enger sougenannter "Trauerrednerin" rieds, zu Lëtzebuerg huet dat sech awer nach net duerchgesat. D'Anna Mathieu huet duerch eng eegen Erfarung, bei Verloschter an der eegener Famill, ugefaangen Texter ze schreiwen an och selwer bei Trauerfeieren ze liesen.

Wéi der Anna Mathieu hire Papp gestuerwen ass, huet den Hauspaschtouer Erich gemengt, et wier elo hiren Tour.

"Ech hunn geduecht: 'O Gott, d'Emotioune sinn einfach esou staark'. Do huet hie mech encouragéiert a gesot: 'Anna! Wann, wenn nicht jetzt?' Wéi ech dunn menge Geschwëster gesot hunn, ech liesen eppes fir de Pappa, hunn si gesot: 'Wir sind dabei!'"

Et war dëst den Ufank vu ville wäertvollen Amenter.

Courage fir Zäit vun der Trauer

Op Bäileedskaarte schreift ee meeschtens "Häerzlecht Bäileed", mee dat ass eben, well ee keng Wierder fënnt. D'Anna Mathieu seet, datt si dacks de Mënsche vill Courage fir Zäit vun der Trauer wënscht. Courage net nëmmen am Sënn vu Kraaft, awer och vu Mutt.

"Et muss ee ganz vill Saache fir d'éischte Kéier eleng maachen. Heiansdo entdeckt een och Saachen, déi een net esou gären entdeckt oder gewosst hätt vun der Persoun, déi gaangen ass - wou ee ganz vill Kraaft brauch."

Dono deet et engem leed

Wann dir de Besoin hutt, wann e Mënsch fir ëmmer geet, nach eppes ze soen, nach eppes fir hien ze maachen, seet d'Anna Mathieu, da maacht et. Dono géif et engem dacks leed doen, wann een et net gemaach huet.

"An och wann Iech d'Stëmm ewech brécht - mir schwätze vun engem Trauerfall, natierlech sinn do ganz vill Emotiounen. Et ginn och Leit, déi soen, wou mir no der Trauerfeier iesse gaange sinn, datt och ganz vill gelaacht ginn ass - dat soen d'Leit dacks och ganz verleeën. Dat ass jo awer d'Liewen. Och déi Persoun, déi gaangen ass, déi hat sécher all méiglech Anekdoten hannerlooss."

An der Mediathéik:

Sot emol / / Jean Claude Majerus
Lauschteren

Méi zum Thema

Susy Lentz
Sot emol

D'Susy Lentz ass den Ament mat de Makadammen an dem neie Programm "20" uechter Land ënnerwee. Aus engem eemolegen Optrëtt fir de Weltfraendag 2001 sinn elo 20 Joer Makadamme ginn.

Heng Kleren
SOT EMOL

Wann een als Museker keng Musek méi ka maachen, wann d'Gesondheet net méi matspillt, ass dat wuel dat schlëmmst wat ka geschéien. A genee dat ass dem Heng Kleren geschitt.

Eugénie Anselin
Sot emol

D'Eugénie Anselin hätt sech kéinte virstellen eng Karriär als Musekerin ze maachen, professionell Sportlerin ze ginn, oder Medezin ze studéieren. Schlussendlech huet d'Schauspillerei awer gewonnen.

Dr Marc Diederich
Sot emol

De Marc Diederich ass Professer fir Biochimie an Direkter vum Laboratoire de Biologie Moléculaire et Cellulaire du Cancer. Hie fuerscht am Beräich vum Kriibs bei Kanner, besonnesch zu Leukemie an Neuroblastom.

Net verpassen

Programm

  • Noriichten

  • On air

    Resonanzen

  • Am Nomëtteg vun 3 bis 6

  • Panorama

  • Tockcity

Dossieren

  • Dossier: Relatiounen tëscht Portugal a Lëtzebuerg

    Haut ass et den zweeten a leschten Dag vun der Staatsvisitt a Portugal. Eng grouss Lëtzebuerger Delegatioun ass den Ament zu Lissabon. An eisem Dossier fannt dir all eis Bäiträg an Artikelen iwwer d'Theema.

  • De Krich an der Ukrain

    De 24. Februar 2022 huet Russland d'Ukrain militäresch iwwerfall. Déi westlech Länner hu mat Sanktioune reagéiert, Millioune vu Leit sinn aus der Ukrain geflücht.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen