Sample vun der Woch Tom Tom Club - Genious of Love

Dat do kennen ech dach, oder? Wien huet déi Melodie geklaut, wien huet dee Rhythmus nogespillt? De Bobby Bieles ass Sample-Detektiv an erzielt d'Geschichte vu Lidder, deenen hir Bestanddeeler ëmmer nees an neier Form re-inkarnéiert goufen.

Bobby Bieles / tt

E04.jpg

Déi zweet Maxi vum éischten Album vun Tom Tom Club heescht "Genious of Love" a koum 1981 eraus.

Den Album huet och Tom Tom Club geheescht an ass eng pur Goldgrouf u Samplen. Tom Tom Club besteet à la base aus der Koppel Tina Weymouth a Chris Frantz, woubäi aner Museker ëmmer spontan mat hinnen gespillt hunn. D'Tina an de Chris ware Membere vun der Band Talking Heads an d'Grupp Tom Tom Club huet am Fong just als Side-Projet ugefaangen, an enger Phase wou si e bësse Sträit den anere Membere vun Talking Heads haten.

D'Grupp ass méi liicht a kommerziell orientéiert, an huet den Ufank vun den 80er mat hirem Sound staark gepräägt. Si spillen eng Mëschung vu Funk bis New-Wave mat Post-Disco Aflëss. Hieren komeschen Numm kënnt vun engem klenge Proufsall an de Bahamas, wou si fir d'éischt Kéier geprouft hunn. D'Tina Weymouth séngt den Haaptdeel an huet och déi berüümt Basslinn geschriwwen, mee wärend der Opnam vum Lidd konnt hat säi Bass wéinst engem Krämpchen am Aarm net selwer spillen an huet dat misste sengem Soundtechniker iwwerloossen.

Si haten effektiv just eng kuerz Studiozäit fir opzehuele gebucht. D'Lidd besteet aus enger einfacher mee effektiver Melodiem déi si zu hirem gréissten Erfolleg bruecht huet. Fir de Video vum Lidd hu si de Kënschtler James Rizzi gefrot en animéierte Cartoon ze molen, hien huet dono och den Artwork fir hiren Album produzéiert! De Song ass iwwer 100 Mol gesampelt an gecovert ginn.

D'Mariah Carey huet de Song gesampelt fir säi Welthit "Fantasy" doraus ze maachen. Et ass déi éischt Kéier, datt d'Mariah Carey probéiert d'Hip-Hopper mat engem vu senge Lidder ze gewannen, a vue datt d'Leit vun Tom Tom Club fir d'Utilisatioun vun hirem Sample zougestëmmt hunn, geléngt him dat och ouni Problem. Et ass e Mix vun Hip-Hop, R'n'B a Pop op engem 102BPM-Beat. D'Carey hat grousse Succès domadder an huet d'Dier fir weider Rap a R'n'B Kollaboratiounen opgemaach, wéi zum Beispill spéider Missy Eliott, TLC oder souguer Beyoncé.

Redman bréngt am Joer 1998 säi 4. Album Doc's da Name 2000 eraus. Wéi sou vill gutt Alben aus den Enn 90er, ass et e Meeschterwierk un kënschtlerescher Fräiheet an kommerzielle Kompromësser. De Redman reimt hei komplexéiert iwwer dem Eric Sermon seng funky Beats am "Brick City Mashin'"! Hien iwwerhëlt hei de Sample vun Tom Tom Club an gëtt him en neien Twist mat senger lyrikaler Virtuositéit.

D'Grupp De La Soul benotzt 2002 fir säi Lidd "Shoomp" e Beat vu J Dilla, deen de Sample vun "Genious of Love" och benotzt. De Jay Dee ass hei e bëssen am gaangen nei Weeër ze exploréieren, a léisst den traditionelle Boom Bap hanner sech. Et ass dat éischt Lidd, wat De La Soul net méi op Tommy Boy release mee op hirem eegene Label AOI, wou si och herno hiren Album The Grind Date erausbréngen. Si lueden hei souguer de Sean Paul a fir de Refrain ze sangen.

An der Mediathéik:

De Sample vun der Woch / / Bobby Bieles
Lauschteren

Méi zum Thema

Nina on horse by Louis Decamps.jpg
Nina Savary

An hirer Bergerie an de Corbières, wäit ewech vun allem, huet d'Nina Savary hir Dreem, Fantasien a soss komesch Visiounen a Musek gewandelt. Erauskomm ass mat "Next Level Soap Opera" ass en exzentrescht an eegewëllegt Pop-Wierk.

E03.jpg
Sample vun der Woch

1963 kennt den historeschen hindi Film "Taj Mahal" mam Lidd "Chandhi Ka Badan" eraus. De Sample-Detektiv Bobby Bieles huet sech op d'Sich nom Sample gemaach a gouf beim Erick Sermonn "React" fündeg ginn.

Brendan Eder
Interview

Op "Cape Cod Cottage" begléckt den amerikanesche Komponist Brendan Eder mat elegantem Jazz deen net nëmmen de Salon miwweléiert. Den Jamie Reinert huet sech mam Jazz-Museker ënnerhalen.

E02.jpg
Sample vun der Woch

"Don't Look Any Further" war dem Dennis Edwards säi gréissten Hit als Solo-Artist, an enger vun de Phasen, wou hie sech aus der Band Tempations zeréckgezunn hat. D'Bassline gouf a méi wéi 70 Lidder gesampelt.

Net verpassen

  • Offre d'emploi: Programmchef/fin

    radio 100,7

    Den Etablissement de Radiodiffusion Socioculturelle, deen de radio 100,7 bedreift, sicht en/eng neie/nei Programmchef/fin mat engem Aarbechtsvertrag op onbestëmmten Dauer (CDI) fir 40 Stonnen d'Woch.

Programm

Dossieren

  • CinÉast 2021

    Et ass déi véierzéngt Editioun vum CinÉast Filmfestival. Vum 7. bis de 24. Oktober ginn Featuren a Kuerzfilmer aus Länner aus Mëttel- an Osteuropa gewisen. Siwe Filmer sinn an der Kompetitioun.

  • Bundestagswal 2021

    Däitschland wielt de Samschdeg, 26. September en neie Bundestag. Wat sinn d'Enjeuen, wie gëtt Kanzler oder Kanzlerin, wéi verleeft d'Wahlkampagne. An eisem Dossier zum Theema Bundestagswal gidd Dir alles gewuer.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen