Rentrée um 100,7 Tockcity - d'Original elo am spéiden Nomëtteg

De Mike Tock begleet Iech vun elo u vu 18 bis 20 Auer an de Feierowend. Lauschtert déi neiste Verëffentlechungen aus Rock, Pop an Elektronika a bleift um Lafenden iwwer d'Concertsaktualitéit.

Tockcity

Tockcity, wat ass dat?

Tockcity ass déi nei Museksemissioun mat mir, Mike Tock, fir de richtege Start an den Owend. Ech begleeden Iech no der Aarbecht an de Feierowend, fir datt Dir de Bureau hannert Iech kënnt loossen. Mat genuch Pepp an Ambiance wäerte mer den Dag ausklénge loossen.

Deng Emissioun war bis elo am Nomëtteg. Wat ännert sech ausser der Auerzäit?

D'Emissioun ass weiderhin d'Original, mat frëschem Sound a mat mengem Stil.

Wéi eng Musek steet um Programm?

Ech fokusséiere mech op nei Releasen aus Rock, Pop an Electronica. Natierlech gëtt et och eng Grëtz Hip-Hop, Funk a Soul. E Schwéierpunkt si pertinent nei Release vu Musekerinnen a Museker aus Lëtzebuerg, mat deenen ech mech selbstverständlech wäert ënnerhalen. Och d'Concerts- a Festivalsaktualitéit gëtt beliicht, an der Hoffnung, datt an deem Beräich gläich nees méi leeft.

Op wat frees du dech besonnesch?

Op Iech natierlech, well eng Radiossendung ass ëmmer nëmmen esou gutt wéi hir Nolauschterer. Dofir: tune in, turn on and drop out ...


Méi zum Thema

Rentrée.jpg
Radio fir Iech

De radio 100,7 start mat engem héije Qualitéitsusproch an déi nei Saison, mat Noriichten, déi an d'Déift ginn, Ënnerhalung mat engem usprochsvolle Programm, Ärer Musek, awer och Iwwerraschungen.

Programm

Net verpassen

  • De radio 100,7 sicht Redakteren/Animateuren

    radio 100,7

    De radio 100,7 sicht fir seng Magasinn-Redaktioun 1 Redakter/Animateur (m/w) 20 St/W (CDD 1 Joer)
    an 1 Redakter/Animateur (m/w) 40 St/W (CDI) fir direkt ze engagéieren.

Dossieren

  • Déi national Anti-Krise-Pläng an der EU

    Wat maachen d'Länner mat den Suen, déi hinnen aus dem Europäeschen Fonds de Relance zoustinn? An eiser Rubrik Europa Aktuell huele mer déi national Pläng ënner d'Lupe.

  • Kulturjoer Esch2022

    Esch, zesumme mat anere ProSud-Gemengen a franséische Grenzgemengen, ass 2022 europäesch Kulturhaaptstad. An eisem Dossier fannt Dir alles iwwer d'Hannergrënn an d'Projeten, déi fir d'Kulturjoer entstoe wäerten.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen