Sample vun der Woch Patrice Rushen - Remind Me

Dat do kennen ech dach, oder? Wien huet déi Melodie geklaut, wien huet dee Rhythmus nogespillt? De Bobby Bieles ass Sample-Detektiv an erzielt d'Geschichte vu Lidder, deenen hir Bestanddeeler ëmmer nees an neier Form re-inkarnéiert goufen.

Bobby Bieles / cbi

e28.jpg

1982 huet d'Patrice Rushen dëst Lidd hei erausbruecht: "Remind Me" war op hirem siwenten Album "Straight From The Heart" ze fannen, deen op Elektra Records erauskoum. D'Patrice Rushen ass eng talentéiert Multi-Instrumentalistin, Komponistin a Songwriterin. Si hat ursprénglech eng Jazz-Pianist-Formatioun an huet scho fir Leit wéi Donald Bird oder Jean-Luc Ponty gespillt.

Ufank vun den 80. Joren probéiert si sech modernem Pop an R'n'B opzemaachen a gëtt doduerch séier en internationale Star. "Remind Me" ass en effikasse Post-Disco-Hit. Et war leider keng Single Auskopplung vun hirem Album, mee e gouf dofir awer ganz dacks gesampelt. Spéider huet d'Patrice Rushen d'musikalesch Direktioun fir Albume vun der Janet Jackson geholl oder si war an der Jury fir d'Grammy Awards.

1997 huet de Common dëst Lidd gesampelt fir säi "Reminding Me (Of Sef)". Et war present op sengem drëtten Album "One Day It'll All Make Sense". Den MC aus Chicago rappt zanter méi wéi 20 Joer. Niewent sengen üblechen deepen an emotionalen Tracks bréngt hien hei e feierlecht Uptempo-Lidd eraus. Dat Ganzt ass produzéiert vum Y-Not.

Fir och mol e bëssen eppes aus Frankräich ze erzielen: den Hasheem, deen éischten New Jack Swing Sänger aus Frankräich, huet der Rushen hiert Lidd och gesampelt fir säin Track "Sans Repères" doraus ze maachen. D'Lidd war zesumme mam Fabe & Koma entstanen a war um Album 1998 "Il a fallu". D'Lidd ass dacks op Cutkiller Mixtapes ze héieren, zum Beispill "Hip-Hop Soul Party Vol.3".

En anert Beispill vun engem gesampelte Lidd ass 5 ela (Remix) vun der Grupp Slum Village. Et ass natierlech vum J Dilla produzéiert, de bekanntste Beatmaker aus Detroit. Et war 1997 op hirer éischter Demo "Fan-Tas-Tic (Vol. 1)" ze fannen an ass méi eng funky Approche zum Sample.

Als leschte Kandidat weisen ech nach der Patra hiert d'Lidd "Worker Man (Salaam Remix)". Et ass vu hirer "Worker Man EP" vun 1993. Dat war der Patra hire gréissten Hit. Si huet dacks mat Dancehall Stars wéi Shabba Ranks geschafft. Hiren Numm ass eng Ofkierzung vu Cleopatra, a si nennt sech och Queen of the Dancehall.

An der Mediathéik:

De Sample vun der Woch / / Bobby Bieles
Lauschteren

Méi zum Thema

e27.jpg
Sample vun der Woch

De Luther Ingram huet 1972 d'Lidd "To The Other Man" erausbruecht. Et war en Deel vu sengem éischten Album "I've Been Here All the Time".

steig.jpg
Sample vun der Woch

D'Lidd "Howling For Judy" koum 1970 um Museker sengem Album "Legwork" eraus. De Steig war ee vun deenen éischten a beschten Jazz-Flütte-Solisten. D'Lidd huet hien vun de Beastie Boys bis bei de Shrek bruecht.

Net verpassen

  • Offre d'emploi: Programmchef/fin

    radio 100,7

    Den Etablissement de Radiodiffusion Socioculturelle, deen de radio 100,7 bedreift, sicht en/eng neie/nei Programmchef/fin mat engem Aarbechtsvertrag op onbestëmmten Dauer (CDI) fir 40 Stonnen d'Woch.

Programm

  • Notturno

  • On air

    Virum Dag vu 6 bis 10

  • Panorama

  • Virum Dag vu 6 bis 10

  • Noriichten

Dossieren

  • CinÉast 2021

    Et ass déi véierzéngt Editioun vum CinÉast Filmfestival. Vum 7. bis de 24. Oktober ginn Featuren a Kuerzfilmer aus Länner aus Mëttel- an Osteuropa gewisen. Siwe Filmer sinn an der Kompetitioun.

  • Bundestagswal 2021

    Däitschland wielt de Samschdeg, 26. September en neie Bundestag. Wat sinn d'Enjeuen, wie gëtt Kanzler oder Kanzlerin, wéi verleeft d'Wahlkampagne. An eisem Dossier zum Theema Bundestagswal gidd Dir alles gewuer.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen