Walter Martin - The Bear Impressionistesch Toile vun engem Dad-Rocker

Op "The Bear" kuckt de Walter Martin verdreemt a poetesch op seng Vergaangenheet zeréck. Seng Zäit mat der Indie Rock Band "The Walkmen" gëtt ugeschwat. Awer och säi Familljeliewen um Land. En Dad-Rocker reminiszéiert.

Jamie Reinert / rb

Walter Martin
Foto: Melissa Martin

Seng Band "The Walkmen" ass 2013 leider op en Enn komm. Zanterhier ass de Walter Martin eleng ënnerwee. En huet e puer Placke mat Kannermusek produzéiert, an ass rezent vun New York an d'Land gezunn - mat Fra, Kanner, Hénger an esou virun.

"The Bear" bitt awer méi wéi de romantesche Folk-Dram. En ass elo méi gemittlech drop, kuckt vill no hannen, a wéi et eis och dacks geet wa mer al Fotoen, al Dokumenter vun eis nees un d'Dagesluucht bréngen: et erkennt ee sech heiansdo schwéier erëm.

"I had a dream that I was in a mid-level rock'n'roll band / played every shit-hole nightclub across the whole entire land", séngt hien um Titel "The Bear". Wou e bis erwächt, ass e frou, datt en dat Liewen hannert sech huet.

En ass elo vläicht al, aarm an huet eng Glatz, mee seng Lidder waren nach ni esou staark wéi op senger neier Plack.

Prezis Sprooch trëfft op verdreemten Téin

Eegenen Aussoen no wollt de Walter Martin op senger neier Plack méi labber schreiwen, wéi e Moler un d'Arbecht erugoen. Seng Texter sinn awer ganz konkret, fir unzepaken, schwätzen ee mat direkter Sprooch un.

D'Musek ass par conter schéin impressionistesch. Zemools de Piano vum Emile Mosseri ass hei ervirzehiewen. 2020 huet dësen de Soundtrack fir de Film "Minari" komponéiert, an déi verdreemten Ambiance dréit hien och dem Walter Martin senge touchanten Indie-Folk-Skizze bäi. "Dës Lidder erkläre wien ech sinn a firwat ech dës Saach maachen", schreift den Amerikaner.

Et lount sech bis eranzelauschteren. Vläicht erkennt ee sech dann awer nees an den alen Zeilen, den alen Akkorden bis erëm.

An der Mediathéik:

Album vun der Woch / / Jamie Reinert
Lauschteren

Méi zum Thema

273052107_487576459404429_466276841091714976_n.jpg
Motomami - Album vun der Woch

Fënnef Joer no hirem internationalen Duerchbroch bréngt d'Rosalia eng Plack eraus, déi hir Wuerzelen am Flamenco clever ënnerbréngt an eng Beräicherung fir de kommerzielle Pop ass.

Alabaster de Plume
Alabaster de Plume - Gold

Eng Aart soziale Situationismus mécht dem Alabaster de Plume säin experimentellen Jazz zu enger Musek, där hire Kreatiouns-Prozess duerchschéngt.

Net verpassen

  • Rapport d'activités 2021

    Banner.jpg

    De Rapport d'activités 2021 vum radio 100,7 ass verëffentlecht ginn. E gëtt en Abléck an d'Aktivitéite vun de verschiddene Servicer a Redaktiounen am leschte Joer.

Programm

Dossieren

  • Dossier: Relatiounen tëscht Portugal a Lëtzebuerg

    Haut ass et den zweeten a leschten Dag vun der Staatsvisitt a Portugal. Eng grouss Lëtzebuerger Delegatioun ass den Ament zu Lissabon. An eisem Dossier fannt dir all eis Bäiträg an Artikelen iwwer d'Theema.

  • De Krich an der Ukrain

    De 24. Februar 2022 huet Russland d'Ukrain militäresch iwwerfall. Déi westlech Länner hu mat Sanktioune reagéiert, Millioune vu Leit sinn aus der Ukrain geflücht.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen