Concertsberäich Eng grouss Onsécherheet

De Michel Welter weess net, wéi laang den Atelier et nach als Organisateur vu Concerte kéint packen. De Gerant vun "A promotions" rechent domat, datt eréischt 2022 eng normal Aktivitéit kéint erreecht ginn.

Maurice Molitor (Interview) / Claude Biver (Web)

Michel Welter
De Michel Welter ass Gerant vun "A Promotions"

Am Concertsberäich géif et eng grouss Onsécherheet ginn. "Ech weess net genee, wéini mer wat fir eng Aktivitéit erëm kënnen ufänken."

Fir dëst Joer rechent den Atelier mat engem Réckgang vun den Aktivitéiten ëm 86 Prozent. An den nächste Woche wieren zwar e puer kleng Concerte geplangt, déi wieren awer éischter als Liewenszeechen ze verstoen. E rentabelt Geschäft wier dat net, seet de Michel Welter.

"Et ass eng Aktivitéit, déi mir awer wëllen ubidden. Vum finanzielle Point de vue brauche mir guer net dovun ze schwätzen, et ass fir eis absolut net rentabel, bien au contraire, mir leeën do Suen drop. Mee et ass einfach ee klenge Schrëtt, dee mir wëlle maachen, an e Semblant vun enger Normalitéit."

Concerten an engem kontrolléierten Ëmfeld

De Michel Welter vum Atelier begréisst d'Iddi vun der Kulturministerin fir an engem kontrolléierten Ëmfeld ze testen, ënner wéi enge Konditiounen een och a Corona-Zäite gréisser Concerte kéint organiséieren. D'Sam Tanson hat de leschte Méindeg Iwwerleeungen an déi Richtung confirméiert.

Generell wier fir hien als Concerts-Organisateur all Schrëtt wëllkomm, deen zeréck an d'Richtung vun enger méiglechst grousser Normalitéit géif féieren. Ideal wier natierlech, wann enges Daags e Schnelltest op de Maart kéim, mat deem een d'Leit an der Entrée teste kéint, esou de Michel Welter.

An der Mediathéik:

Invité vum Dag / / Maurice Molitor
Lauschteren

Méi zum Thema

Sam Tanson
KULTUR

Kulturell Aktivitéite solle weiderhi méiglech sinn, seet d'Sam Tanson. D'Regierung géif doriwwer nodenke fir een Test-Concert ze organiséieren, fir dann erëm Concerten an der Rockhal ze erméiglechen.

Riicht Eraus iwwer Bühnekonscht a Film
Impakt vu Kris op Kultur

936 kulturell Evenementer wieren annuléiert ginn, seet d'Kulturministerin. Fir d'Professioneller an de Secteure vum Film an der Bün waren d'Ausfäll direkt ze spieren. D'Hëllef koum séier an onkomplizéiert.

Programm

Net verpassen

  • Am Gespréich: Marc Angel a Samuel Hamen

    Marc Angel, Samuel Hamen

    Zwou Generatioune vu Kënschtler hu sech zesummegedoen, fir eng originell hybrid Form ze schafen.

    Mir ënnerhalen eis mam Zeechner a Schrëftsteller an der Woch vum 23.11. méindes bis freides um 12:40 a sonndes um 10:10

Dossieren

  • CinEast-Festival 2020

    De CinEast-Festival weist eng Selektioun vu mëttel- an osteuropäesche Filmer. Déi 13. Editioun ass wéinst der Covid-Pandemie eng hybrid: d'Filmer gi souwuel um groussen Ecran wéi och online gewisen.

  • AutorInne-Lies

    D'Publikatioun PM 19 10 huet d'Valerija Berdi inspiréiert fir déi akustesch Athmospär fir d'Buch ze liwweren. Hatt huet sech dofir op de Wee gemaacht an eng ganz Rei Andréck bei Autorinnen an Auteuren doheem akustesch agefaangen.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen