Ciao Luca - Zesummen an der Musek De Schrëftsteller Luc Spada bréngt seng éischt Plack eraus

De Luc Spada kennt een normalerweis als Mann vun de Wieder. Mat véier Singles huet hien elo säin éischte Museksprojet lancéiert. "Ciao Luca" ass eng Sammlung vu Lidder, déi mam däitsche Kënschtler Angela Aux zesummen opgeholl gouf, an nach e puer aner Kollaboratiounen enthält. De Marc Clement huet sech mam Schrëftsteller, Poetryslammer a Museker ënnerhalen.

Marc Clement / cz

Luc Spada

Et kennt een hien als Dichter a Schrëftsteller, vu Poetry Slams an aus Bicher, oder aus engem flotte Workshop iergendwou - op jiddwer Fall als Mann vun de Wierder.

Musek besteet och méi dacks zur Hallschent aus Wieder, besonnesch wa se eng theatralesch-performativ Dimensioun huet. Wouranner louch d'Unzéiung vun der Popmusek?

"Ech wollt mech am Allgemengen op Wierder konzentréieren, awer ech spieren, datt et ëmmer esou en Drang gëtt, domat op d'Bün ze goen oder méi draus ze maachen, wéi datt ee mäi Buch hëlt, oder um Internet liest an domat eleng ass. Wou ech mat Museker a Musekerinne geschwat hunn, hunn ech gemierkt, datt een Iddien och kann ouni Nouteschreiwen entwéckelen."

Entstanen ass d'Musek op "Ciao Luca" a Collaboratioun mam Luc Spada sengem laangjärege Frënd Angela Aux vu München, dee selwer tëscht Poesie, Performance a Popmusek Projet'en entwéckelt.

Fir d'Renconter, fir d'Bün

Et bleift kompromësslos perséinlech, mat rauer Sprooch mee och staarker Vulnerabilitéit. De Video zur neister a véierter Single "Ciao Luca" mécht säin Effekt a léisst ee beim Kucken net kal. Wat waren d'Motivatiounen hannert dem Song?

"Dat brauch ech net ze verstoppen, wäert et och nimools ausschluechten, mee ech hu mäi Papp am Kriibs begleet. Jiddereen deen dat matgemaach huet weess, dass dat eng laang Geschicht ass, mat villen Ups an Downs. Um Enn ass mäi Papp gestuerwen, an dat war dann och esou ee Moment, dee mir d'Angscht geholl huet."

Nieft dem Angela Aux hunn och de Rapper Maz an de One-Man Entertainer Jackie Moontan jeeweils bei engem Track matgemaach - Kollaboratiounen, déi räich Interaktioune lassgetrëppelt, oder weidergefouert hunn.

Déi lëtzebuergesch Release vum Album "Ciao Luca" ass de 27. November am Kulturzentrum opderschmelz zu Diddeléng. Concert'en zu München an zu Berlin sinn am Dezember geplangt.

An der Mediathéik:

Musek Aktuell / / Marc Clement
Lauschteren

Méi zum Thema

Alle meine Freunde
Buchkritik

An "Alle meine Freunde" beschreift d'Nora Wagener sensibel a prezis Personnagen, déi op enger fiktiver Päischtcroisière sinn. Der Valerija Berdi feelt am Buch allerdéngs d'Déift.

Wëlzer Festival
Wëlzer Festival

De Wëlzer Festival huet seng Affiche fir dëst Joer presentéiert. Enn Juni bis Ufank Juli steet zu Wolz déi spektakulär Kuliss vum Schlass prett, fir Nimm aus der Musek d'Roll vum molereschen Hannergrond ze spillen.

 

Net verpassen

Programm

  • Resonanzen

  • On air

    Noriichten

  • Panorama

  • Tockcity

  • The Benny Brown Show

Dossieren

  • Klimakonferenz zu Glasgow

    Déi gréissten Weltklimakonferenz zanter Paräis fënnt tëscht dem 31. Oktober an 12. November zu Glasgow statt. Fir eis op der Plaz ass eise Korrespondent Philip Crowther.

  • Verfassungsreform

    D'Verfassung vun 1868 soll duerch eng nei Verfassung ersat ginn. 2009 gouf dëse Reformprozess formell lancéiert an nach ass d'Aarbecht net ofgeschloss. Et ass nach e Referendum iwwer den neien Text geplangt.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen