Interview De Bolis Pipul spillt op der Reouverture vum Gudde Wëllen

Muer den Owend feiert de Gudde Wëllen seng éischt richteg Reouverture zanter de COVID-19 Mesuren, um 22 Auer geet et lass. Op der Affiche stinn net nëmmen d'Indie-Rocker vu Leen, den DJ Chook an de Good Boy, mee och ee gewëssene Bolis Pupul, dee mat enger Hellewull analoger Synthesizer soll ukommen.

Marc Clement / cbi

Bolis Pupul
Foto: Jorre Janssens

Den aus Hongkong stamende Belsch war iwwer säi Papp schonn als Kand mam Soulwax-Member Stephen Dewaele befrënnt, deen hien a senger Léift fir d'Musek ënnerstëtzt huet. No engem Stage beim Soulwax-Label "Deewee" krut hien d'Geleeënheet, eng Plack um Label erauszebréngen.

No éischten Erfarungen a Rockbands mécht hie vun 2006 u just nach elektronesch Musek. Op de Spuere vu Vangelis, Patrick Cowley an ale Krautrock-Helden trëtt hie mat Synthesizeren an Drummachines op.

Rezent ass d'Musekswelt och op d'Collaboratioun tëscht dem Bolis Pupul an der Sängerin Charlotte Adigéry aus der Martinique opmierksam ginn, déi sech schonns zanter hirer éischter EP opgebaut huet. Hei krut hie fir seng elektronesch Programmatioune vill Luef an der internationaler Press.

Op der Gudde-Wëlle-Party muer den Owend gëtt et vun him een danzbare Set, dee ganz live mat e puer Synthesizer, Effekter an Drumloops improviséiert gëtt. Net verpassen!

An der Mediathéik:

Musek Aktuell / / Marc Clement
Lauschteren

Méi zum Thema

SUUNS
Musek

Zentral fir d'Roll vun engem Zeien ass säi Bléck. "The Witness", déi nei a fënneft Studioplack vun der kanadescher Band Suuns ass een Album iwwer Blécker, Gewëssensfroen a Selbstzweiwel.

The Tame And The Wild + Usel
Nei Single made in Luxembourg

Wéi kléngt et, wann eng Indie-Pop-Band sech mat engem Hardcore-Sänger zesummendeet? Déi nei Single vun "The Tame And The Wild" ass erstaunlech harmonesch. A fir d'éischte Kéier gëtt op Däitsch gesongen.

Net verpassen

  • Offre d'emploi: Programmchef/fin

    radio 100,7

    Den Etablissement de Radiodiffusion Socioculturelle, deen de radio 100,7 bedreift, sicht en/eng neie/nei Programmchef/fin mat engem Aarbechtsvertrag op onbestëmmten Dauer (CDI) fir 40 Stonnen d'Woch.

Programm

Dossieren

  • CinÉast 2021

    Et ass déi véierzéngt Editioun vum CinÉast Filmfestival. Vum 7. bis de 24. Oktober ginn Featuren a Kuerzfilmer aus Länner aus Mëttel- an Osteuropa gewisen. Siwe Filmer sinn an der Kompetitioun.

  • Bundestagswal 2021

    Däitschland wielt de Samschdeg, 26. September en neie Bundestag. Wat sinn d'Enjeuen, wie gëtt Kanzler oder Kanzlerin, wéi verleeft d'Wahlkampagne. An eisem Dossier zum Theema Bundestagswal gidd Dir alles gewuer.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen