SAMPLE VUN DER WOCH Bernard Wystraete - Daydream

De Sample vun der Woch kënnt vum Bernard Wystraete, deen 1969 mat sengem Orchester eng Reprise vun der Grupp Wallace Collection opgeholl: "Daydream". 2001 huet den Danny Dan The Beat Mann d'Lidd fir eng Breakbeat-Kompilatioun opbereet.

Bobby Bieles / tt

wystraete.jpg

De Fransous Bernard Wystraete huet 1969 mat sengem Orchester eng Reprise vun der Grupp Wallace Collection opgeholl. D'Lidd heescht "Daydream" a war ze fannen um Album "Hits - Variety N.1".

Den Wystraete kënnt vu Roubaix an huet eng ganz klassesch Musekserzéiung kritt vu sengen Elteren, déi och allen Zwee professionell Museker waren.

De Wystrate ass Multi-Instrumentalist, haaptberufflech Dirigent a spezialiséiert an de Flütten, wéi een et am Ufank vum Lidd däitlech eraushéiert. Hie war och e gefrote Library-Museker an huet vill fir Soundtracks geschafft an zum Beispill mam Francis Lai, Vladimir Cosma oder Michel Legrand kollaboréiert. Hien huet eng Leidenschaft fir südamerikanesch Musek, zum Beispill Bossa Nova aus Brasilien.

2001 huet Danny Dan The Beat Mann, en DJ aus der Bronx, dëst zimmlech onbekannt Lidd erëmfonnt an op eng Kompilatioun vun him gesat, "Dusty Fingers Vol. 9", 2001 erauskomm. Dat war eng vun deenen éischte Breakbeat Kompilatiounen. Dat heescht, hien huet hei interessant Lidder oder Deeler vu Lidder - souzesoe Breaks - compiléiert, notamment Perkussiounsdeeler, déi schwéier ze fanne waren. Dës Kompilatioun war express fir Beatmaker geduecht, déi et schwéier haten un eklektesche Rostoff ze komme fir hir Beats ze produzéieren.

Doduerch gouf dat Lidd méi bekannt a méi dacks gesampelt, wéi zum Beispill hei vum RZA.

Hien huet säi Lidd "The Whistle" doraus gemaach. Dat war op sengem drëtte ganz mëttelméissegen Album "The Birth Of A Prince", 2003 erauskomm. D'Produktioun an de Rap si vum RZA zesumme mam Prodigal Sunn a Masta Killa vum Wu-Tang Clan. Et muss een awer soen, datt de Sample hei op eng ganz interessant Aart gechopped ass.

Dat bekanntste Beispill vun der Utilisatioun vum Sample ass vun den Beatnuts mam Lidd "Mayonnaise".

Dat ass e kuerzt Lidd vun hirem véierten Album "Take It Or Squeeze It" vun 2001. Den Psycholess an den Juju sinn zwee Puerto-Ricaner déi bekannt si fir hir grouss Musikalitéit am Rap.

E lescht Beispill ass de Percee P mat sengem Lidd "Raw Heat".

Den immens brutale Beat gouf vum Madlib produzéiert. Dat war op sengem éischten Album "Perseverance" vum Joer 2007. Hien ass e Veteran MC a kënnt aus dem ganze Lootpack-Stonesthrow-Jaylib-Entourage.

An der Mediathéik:

De Sample vun der Woch / / Bobby Bieles
Lauschteren

Méi zum Thema

verocai.jpg
SAMPLE VUN DER WOCH

30 Joer laang duecht den Arthur Verocai, säin Album wier ee Flopp gewiescht. Bis zum Joer 2000: Beatmaker wéi de Madlib an MF Doom hunn den Album zu neiem Liewen erwächt. Eise Sample vun der Woch.

e22.jpg
Sample vun der Woch

D'Lidd E.V.A. gouf vum Jean-Jacques Perrey komponéiert. Am Laf vun der Zäit gouf d'Lidd dacks gesampelt, ënner anerem vu Gang Starr, House of Pain, Pusha T, a war och um Soundtrack zu Ocean's 8 ze héieren.

Eddie Kendricks - My People... Hold On
Sample vun der Woch

1972 huet Eddie Kendricks dat heiten Lidd erausbruecht: "My People... Hold On". Als Sample-Detektiv erzielt de Bobby Bieles d'Geschicht vum Lidd a wou een d'Bestanddeeler erëmfanne kann.

e20.jpg
SAMPLE VUN DER WOCH

D'Isley Brother kënnen zesummen op eng Karriär vun iwwer 50 Joer zeréckkucken. Hiren Track "Between The Sheets" huet et an etlech Genrë gepackt. Engem Sample op der Spuer.

Programm

Net verpassen

  • Annonce: Recherche d'un chef de la programmation

    Gebai vum radio 100,7

    L'Etablissement de Radiodiffusion Socioculturelle, opérateur de la radio de service public radio 100,7, recherche 1 chef de la programmation (m/f) pour contrat à durée indéterminée et à temps plein.

Dossieren

  • Déi eeleft Editioun vum LuxFilmFest

    Trotz Pandemie gëtt de Luxembourg City Filmfestival organiséiert. Déi 11. Editioun (4.-14. Mäerz) kritt dëst Joer awer eng liicht aner Nues: Filmer ginn deels am Kino deels online gewisen.

  • Drogen a Mënschen

    Zanterdeem et d'Mënschheet gëtt, hunn Droge si begleet. Haut hu vill Drogen e schlechte Ruff. Wisou ass dat esou a wat misst geschéien, fir besser iwwer eventuell Risike beim Konsum opzeklären?

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen