Ligne 2 "Baby Bieles" by Bobby Bieles

Midi-Pisten, déi no Xylophon a Marimba kléngen, iwwerschafft eise Spezialist vum Hip-Hop mat den original Lyrics vun de gesampelten Artisten.

Philippe Hansen / cbi

Baby Bieles

De ganzen Interview lauschteren


Philippe Hansen: Bobby Bieles, wat stécht konkret hanner "Baby Bieles"?

Bobby Bieles: Ech sinn de Bobby Bieles an ech maache jo all Woch meng Ligne 2 Sendung a fir dës Sendung hunn ech probéiert eng Hip-Hop-Sendung fir Kanner ze maachen, souguer fir ganz jonk Kanner, an e bëssen als Witz huelen ech do de Numm "Baby Bieles".

Déi ganz Sendung ass gemixt mat klenge Kanner-Plackespiller, wou een 3-inch Placken drop lafe léisst, an d'Konzept ass instrumental Lidder aus der Serie "Rock A Bye Baby" ze huelen, déi et scho méi laang ginn. Déi hunn och vill Saache verëffentlecht, sou ëm déi honnert Releasen, an ech mixen dorop déi original A cappella vun deene Lidder, déi Rock a Bye probéiert huet ze remixen.

"Rock A Bye Baby" huet meeschtens Placken eraus bruecht, also verschidde grouss bekannten Albume vu groussen a bekannte Kënschtler. Hues du dech do an eng speziell Richtung spezialiséiert a ginn et och niewent dem Rock N' Roll och "Rock A Bye Baby" Hip-Hop-Placken?

"Rock A Bye Baby" hunn do eng grandios Aarbecht gemaach a monstervill Placken nogespillt. Gréisstendeels Rock, mee awer och Hip-Hop, an ech hu mech op den Hip-Hop spezialiséiert d.h. si hu gréisstendeels Saache vun deene bekannte Jay-Z, Kanye West, The Beasty Boys, awer och e bësse méi underground Saache wéi verschidde Saache vu Wu-Tang wou ech och selwer e bëssen erstaunt war.

Ech hu mat deene Leit e bëssen hin an hir geschriwwe fir ze wëssen, wéi wäit dat ok wier mat den Droits d'Auteur. Dunn hunn ech all meng al Placken erausgeholl, op deenen deemools nach den A cappella drop war, an dunn hunn ech d'Stëmmen einfach nach eemol nei drop gemixt, fir deem Ganzen eng nei Dynamik ze ginn.

Déi "Rock A Bye Baby" Disken sinn eigentlech immens liicht am Sound gehalen. Et sinn zwar Midi-Pisten, mee et kléngt extrem no Marimba a Xylophon, dowéinst huelen ech un, datt mam Bobby Bieles sengem "Gescratchs" déi Saach awer e bësselche méi Wuppes kritt?

Eleng déi Tatsaach, datt et Schloflidder fir Puppelcher sinn, huet mech immens ugezunn. Dann huet mir awer déi Rap-Touche, dat dreckegt gefeelt, an dat probéieren ech nees drop ze mixen. Et ass fir Kanner, mee et ass och vläicht net fir Kanner, well d'Lyrics vun de Rapper ginn net zenséiert, an dat ass e Widdersproch, dee mir gutt gefall huet.

Engersäits hues de déi Puppelcher oder Kanner, an op der anerer Säit hues de den Ol' Dirty Bastard, dee seng ruppegst Lyrics doriwwer späizt. Et huet mega Bock gemaach doriwwer ze mixen, op alle Fall.

Dat heescht, et kann een direkt net vun 100 prozenteg wäertvoller Pedagogie bei denger Versioun vun där Saach do schwätzen?

Et hänkt dovun of. Et ass jo op englesch an d'Kanner wäerten elo net direkt alles verstoen. Musek, Kultur ass jo och eng Zort Pedagogie, dat heescht eleng déi Kënschtler ze kennen an hire Web ze kennen, géif ech och zu enger gudder Erzéiung zielen, op alle Fall. Natierlech kann et och dozou kommen, datt Äert Kand duerno flucht.

Bobby Bieles, du hues virdru vun deenen 3-inch Placke geschwat, ech hunn och deen een anere klenge Clip vu Baby Bieles gesinn. Erziel ons mol eppes iwwer deng "Micro Machines", well et ass minimalistesch Musek, zwar elo nei vun dir gesamplet, awer och mat Instrumenter a Kanner Gréisst?

Déi hunn hiren Ursprong an den 60er an 70er Joren, wou d'Placke voll am Boom waren, an deemools haten d'Kanner déi kleng Plackespiller mat deene klenge Placken, op deene Lidder fir Kanner waren. Déi hu se fir Chrëschtdag kritt an et ass eng vun deenen 100.000 Saachen, déi ënnergaange sinn, an elo bréngt eng Mark déi nees nei eraus. D'Qualitéit ass um Start an ech hunn déi Instrumenter esou gehackt, datt een och kann digital Fichieren domat steiere mat serato a faze an open format 3D geprinten Adapter asw.

Ech sinn elo ready ganz Sets mat deene mini Plackespiller ze maache mat engem Laptop niewendrun. Ech plangen och iergendwellech Live-Optrëtter op Kannergebuertsdeeg ze maachen, alles steet op. Et ass mega interessant en neit Format ze kreéieren. Nei Bedingungen a nei Virschrëfte maachen et spannend ze remixen. Ze vill Technologie mécht d'Kreativitéit dout. Dofir: "Back to basics".

Jee nodeem wéi vill Succès dat Ganzt wäert hunn ass et jo dann och e komplett neit Konzept "Baby Bieles" by "Bobby Bieles". Lo huet "Rock A Bye Baby" e ganze Koup där Volummen eraus bruecht. Bass du schonn am Gaang un e nächste Volume ze denken?

Ech hunn eng Rei Tracks, déi ech fir dës Sendung gebraucht hunn, an eng ganz Rei, déi ech net gebraucht hunn, d.h. eng zweet Sendung ass definitiv méiglech. Mol kucken, wéi meng éischt ukënnt.

Ech schaffen ëmmer mam Feedback vun de Leit. Wa si dat hei lächerlech fannen, da war et, OK, da war et en "one shot". Falls ech awer elo iergendwellech Opträg kréien, maachen ech gären nach vill méi. Ech géif mech gären a verschidden Altere vun der Kandheet eraschaffen, mol kucken, vläicht kann een déi Jonk mat Hip-Hop erzéien, ech kucken, ech bleiwen drun.

An der Mediathéik:

Ligne 2 / / Bobby Bieles
Lauschteren

Méi zum Thema

steig.jpg
Sample vun der Woch

D'Lidd "Howling For Judy" koum 1970 um Museker sengem Album "Legwork" eraus. De Steig war ee vun deenen éischten a beschten Jazz-Flütte-Solisten. D'Lidd huet hien vun de Beastie Boys bis bei de Shrek bruecht.

ross.jpg
Sample vun der Woch

1976 ass dëst Lidd hei erauskomm : "Love Hangover" vun der Diana Ross. Si trëtt hei offensichtlech fir d'Ermächtegung vun de Fraen an. Gesampelt gouf d'Lidd ënner anerem vu Bone Thugs-n-Harmony a vun Geto Boys.

Slowthai
SLOWTHAI

Dem Enfant Terrible vum britteschen Hip-Hop seng vulgär awer poetesch Manéier fir ze rappe kënnt net just a UK gutt un. Am Februar huet de brittesche Rapper Slowthai säin neien Album erausbruecht.

wystraete.jpg
SAMPLE VUN DER WOCH

De Sample vun der Woch kënnt vum Bernard Wystraete, deen 1969 mat sengem Orchester eng Reprise vun der Grupp Wallace Collection opgeholl: "Daydream". 2001 huet den Danny Dan The Beat Mann d'Lidd fir eng Breakbeat-Kompilatioun opbereet.

Programm

  • Notturno

  • On air

    Vu 6 bis 10

  • Vun 10 bis 2

  • Vun 10 bis 2

  • Resonanzen

Net verpassen

  • Annonce: Recherche d'un chef de la programmation

    Gebai vum radio 100,7

    L'Etablissement de Radiodiffusion Socioculturelle, opérateur de la radio de service public radio 100,7, recherche 1 chef de la programmation (m/f) pour contrat à durée indéterminée et à temps plein.

Dossieren

  • Déi eeleft Editioun vum LuxFilmFest

    Trotz Pandemie gëtt de Luxembourg City Filmfestival organiséiert. Déi 11. Editioun (4.-14. Mäerz) kritt dëst Joer awer eng liicht aner Nues: Filmer ginn deels am Kino deels online gewisen.

  • Drogen a Mënschen

    Zanterdeem et d'Mënschheet gëtt, hunn Droge si begleet. Haut hu vill Drogen e schlechte Ruff. Wisou ass dat esou a wat misst geschéien, fir besser iwwer eventuell Risike beim Konsum opzeklären?

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen