Coco - Dessiner encore Zeechnen nom Attentat

D'Terroristen als schwaarz Geeschter, Wellen als Verdrängung, Flucht vun der Realitéit. Mat senger origineller Billersprooch a perséinlechem Bléckwénkel ass Dessiner encore vum Coco fir de Jeff Thoss e Schlësselwierk, wann et ëm d'Beschäftegung mam Attentat op Charlie Hebdo geet.

Jeff Thoss

Corinne Rey alias Coco
Foto: Marine Clément-Colson

D'Corinne Rey, alias Coco, ass eng vun de Charlie Hebdo-Zeechnerinnen, dat d'Attentat op d'Redaktioun vum 7. Januar 2015 iwwerlieft huet. An der BD Dessiner encore huet et dës Erliefnisser verschafft. Et ass eng klassesch Trauma-Erzielung, an där déi traumatesch Evenementer am Ufank just als Lacune present sinn. D'Coco erzielt vun Therapien, un déi et net wierklech gleeft, a gräift soss vill op Metapheren a Symboler zréck.

Iwwerwältegend Wellen a schwaarz Geeschter

Wellen an Tauche sinn zentral Motiver vun der BD, déi sech op verschidden Aart a Weisen deite loossen, als Iwwerwältegtginn vun der Erënnerungen, als hir Verdrängung, oder och als Flucht. Et ass eng raffinéiert a staark Billersprooch, déi d'Coco entwéckelt, fir seng Erfarungen duerzestellen, och wat d'Koloratioun mat hiren ambivalente monochrome Flächen ubelaangt.

Nom éischten Drëttel fänkt d'Zeechnerin un, d'Evenementer vum 7. Januar 2015 aus senger Erënnerung ze rekonstruéieren, och hei mat markante Metapheren.

Esou ginn d'Terroriste just als schwaarz Geeschter gewisen. Iwwer déi intensiv, bal obsessiv Passagen iwwer d'Renconter mat de Gebridder Kouachi an der Trap vum Charlie Hebdo-Gebai entwéckelt d'Coco an der BD e neie Rapport zum Attentat, deen et him erlaabt, och d'ganz Virgeschicht vum Karikaturesträit an Erënnerungen u seng verstuerwe Kolleege mat eranzebréngen. Doraus hëlt d'Zeechnerin dann och d'Kraaft, fir dat ze maachen, wat den Titel schonn annoncéiert: nach ëmmer ze zeechnen, weiderzezeechnen.

Mat senger originell Billersprooch a sengem ganz perséinlech, mee ni voyeuristesche Bléckwénkel ass Dessiner encore ass ouni Zweiwel eng absolut gelonge BD an e Schlësselwierk, wann et ëm d'Beschäftegung mam Attentat op Charlie Hebdo geet.

An der Mediathéik:

Lauschteren

Méi zum Thema

Corinne Rey alias Coco
Zeechnen nom Attenat

D'Dessinatrice Coco ass ee vun den Iwwerliewende vum Attentat op d'Redaktioun vum Charlie Hebdo. An "Dessiner encore" moolt si iwwer den Uschlag a wéi hiert Liewen op d'Kopp gestallt gouf.

Penelopes zwei Leben
Gezeechent

D'Penelope ass eng belsch Chirurgin, déi am Biergerkrich a Syrien am Asaz ass. Déi zwee Liewen aus der Graphic Novel bezéie sech op de Kontrast tëschent där Aarbecht an dem quasi normale Familljeliewen.

French Cancan
Frankräich

Ob Moulin Rouge oder Paradis Latin, d'Paräisser Cabarete zéien Touristen aus aller Welt un. Recetten, déi zanter dem Ufank vun der Corona-Pandemie feelen. Ass dat d'Enn vum French Cancan?

Billie Scott
GEZEECHENT

"The Impending Blindness of Billie Scott" vun der Zoe Thorogood erzielt vun enger jonker Kënschtlerin virun hirer éischter grousser Expo. Eng Verletzung un den Ae gëtt hir zwou Wochen Zäit fir zéng friem Leit ze portraitéieren.

Programm

Net verpassen

  • De radio 100,7 sicht Redakteren/Animateuren

    radio 100,7

    De radio 100,7 sicht fir seng Magasinn-Redaktioun 1 Redakter/Animateur (m/w) 20 St/W (CDD 1 Joer)
    an 1 Redakter/Animateur (m/w) 40 St/W (CDI) fir direkt ze engagéieren.

Dossieren

  • Déi national Anti-Krise-Pläng an der EU

    Wat maachen d'Länner mat den Suen, déi hinnen aus dem Europäeschen Fonds de Relance zoustinn? An eiser Rubrik Europa Aktuell huele mer déi national Pläng ënner d'Lupe.

  • Kulturjoer Esch2022

    Esch, zesumme mat anere ProSud-Gemengen a franséische Grenzgemengen, ass 2022 europäesch Kulturhaaptstad. An eisem Dossier fannt Dir alles iwwer d'Hannergrënn an d'Projeten, déi fir d'Kulturjoer entstoe wäerten.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen