Kultur Theaterfest: Den Theater feieren

De 17. September ass um Hamilius an der Stad d'Theaterfest op deem Membere vun der Theaterfederatioun den Ufank vun der neier Saison feieren an hir Programmer op hire Stänn presentéieren, sou de Claude Mangen, President vun der Theaterfederatioun an Direkter vum Mierscher Kulturhaus. Uschléissend un d'Theaterfest ass op Initiativ vum Kulturministère an dem Trois C-L d'Präisiwwerrechung vun den Theaterpräisser a vum Danzpräis am Kapuzinertheater.

Valerija Berdi / cz

Claude Mangen
De Claude Mangen ass President vun der Theaterfederatioun

Lauschteren


Dem President vun der Theaterfederatioun an dem Jury wier et wichteg fir d'Diverstitéit vun den talentéierten Theaterschaffenden ze remunéréieren.

"Mir hunn eis do quasi op der Iddi begéint an ech sinn immens frou, dass enfin den Theater e puer Präisser huet. Do ass engersäits en Nowues-Präis, de Präis fir dat, wat op der Bün passéiert, wat hannert der Bün passéiert, dann en nationale Präis fir e Liewenswierk an dann och den nationalen Danzpräis."

Et soll e Moment ginn an dem den Theater gefeiert gëtt an deem "d'Artisten, déi iwwer Joren hei schaffen an de ganze Betrib um lafenden halen, datt déi och eng Méiglechkeet hunn fir zesummen ze fannen", seet de Claude Mangen.

"Ech hoffen, datt et e ganz schéine Moment gëtt, dee mer all zwee Joer an Zukunft kënne widderhuelen."

Nieft dem Theaterpräis géif et nach weider Chantiere ginn, déi d'Theaterfederatioun zesumme mam Kulturministère elo an de Ugrëff hëlt, seet de Claude Mangen. Een dovun ass den "Centre de documentation pour l'histoire du théâtre" an enker Collaboratioun mam Nationale Literaturarchiv.

"Da schaffe mer un engem nationale Fundus, och dat ass e Chantier. Et gëtt eis sécher net langweileg an de kommende Joren, an et ass mir och wichteg als President vun der Federatioun momentan déi Chantieren op d'Schinnen ze setzen an am beschte Fall och ofzeschléissen."


An dräi Kategorië gëtt et eng Shortlëscht fir den Theaterpräis.

"Jeune Espoir" - (3500 Euro):

Rosalie Maes (Actrice),

Aude-Larence Biver(Regisseurin an Actrice),

Renelde Pierlot( Regisseurin an Actrice),

Catherine Elsen (Actrice)an den

Konstantin Rommelfangen (Acteur) nominéiert.

Präis fir d'Bünekreatioun (4500 Euro):

Florian Hirsch (Dramaturg) ,

Duo: Marie Jung & François Camus (Actrice an Acteur),

Myriam Muller (Regisseurin),

Anne Simon (Regisseurin)

Pitt Simon (Acteur)

Präis fir Backstage-Kreatioun (3500 Euro) :

Pol Belardi (Sound),

Steve Demuth (Beliichtung),

Anouk Schiltz (Zeenografin a Kostümdesignerin),

Peggy Wurth (Zeenografin a Kostümdesignerin)

Marie-Luce Theis (Zeenografin a Kostümdesignerin)

Fir den Nationalen Theaterpräis fir e Liewenswierk, dee mat 10000 Euro dotéiert ass, gëtt et keng Shortlëscht.

Méi zum Thema

Contraction_s vun der Nathalie Ronvaux
Theaterstécker an der Pandemie

Am Theaterstéck "Contraction_s" vun der Nathalie Ronvaux sinn dräi Personnagen zesummen an engem Raum, mee jiddwereen ass a senger eegener Welt agespaart. Hydre Editions huet dësen Text elo publizéiert.

Frank Hoffmann
Theater a Cabaret

De Frank Hoffmann ass Theaterregisseur, Filmrealisateur, Dréibuchauteur an Direkter vum TNL. Am Alter vun 18 Joer huet hien den éischte Lëtzebuerger Studentecabarat matgegrënnt.

Net verpassen

  • Offre d'emploi: Journaliste-présentateur/trice

    radio 100,7

    L'Établissement de Radiodiffusion Socioculturelle, opérateur de la radio de service public radio 100,7, recherche Un/e Journaliste-présentateur/trice sous contrat à durée indéterminée et à tâche complète (40h/semaine).

Programm

Dossieren

  • Olympesch Spiller 2021

    D'Olympesch Spiller fannen, mat enger Joer Verspéidung, tëscht dem 23. Juni bis den 8. August zu Tokyo statt. Fir eis op der Plaz ass eise Korrespondent Philip Crowther.

  • Déi national Anti-Krise-Pläng an der EU

    Wat maachen d'Länner mat den Suen, déi hinnen aus dem Europäeschen Fonds de Relance zoustinn? An eiser Rubrik Europa Aktuell huele mer déi national Pläng ënner d'Lupe.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen